វៀតណាម ៖ លោកធី ដាញ់ អតីតប្រធានគណៈកម្មការទទួលបន្ទុកដោះស្រាយសំណងសំរាប់ការអភិវឌ្ឍន៍ក្រុងតុលាការមួយនៅក្រុងហូជីមិញត្រូវ បានតុលការកាត់ទោសប្រហារជីវិត ក្នុងសវនាការរយៈពេល២ម៉ោងកាលពីថ្ងៃសុក្រទី០១មិថុនា២០១៨ពីបទបានលួចបន្លំកិបកេងប្រាក់មូលនិធិ សំរាប់ទូទាត់សងដល់ប្រជាជនដែលត្រូវរើលំនៅស្ថានដោយសារប៉ះពាល់គំរោងអភិវឌ្ឍន៍ក្រុងធំមួយនៅទីក្រុងភាគខាងត្បូងនេះកាលពី១៥ឆ្នាំមុន។
ឯឈ្មោះង្វៀន ធី លិញ អតីតប្រធានគណនេយ្យរបស់គណៈកម្មការនេះ ត្រូវបានកាត់ទោសអោយជាប់គុក១៥ឆ្នាំនិងជនជាប់ចោទ៣នាក់ទៀតក្នុងករណីនេះដែរត្រូវបានសំរេចអោយជាប់គុក២ទៅ៥ឆ្នាំផងដែរ។ គណៈកម្មការនេះត្រូវបានគេរកឃើញថាមានកំហុសពីបទរំលោភច្បាប់ជាច្រើន នៅក្នុងការអនុវត្តគំរោង៦រវាងឆ្នាំ២០០៣និង២០០៦ ។ សរុប ដាញ់បានឆ្លៀតប្រើតួនាទីរបស់ខ្លួនដើម្បីប្រើប្រាស់ប្រាក់មូលនិធិនេះមិនសមស្របចំនួន៤.១០០លានដុង(២,៣៦លានដុល្លារ)។ក្រៅពីទោសប្រហារជីវិត តុលាការក៏បានបញ្ជាអោយដាញ់និងអ្នកពាក់ព័ន្ធប្រគល់ប្រាក់ដែលកិបកេងទាំងនោះមកវិញ។ដាញ់តែឯង ទទួលខុសត្រូវក្នុងការប្រគល់ប្រាក់១,៧៩លានដុល្លារ៕
