កំពង់ធំ ៖ ការដឹកជញ្ចូនសត្វឆ្លងខេត្ត ឬចេញក្រៅខេត្ត ត្រូវបានមន្ដ្រីជំនាញបសុពេទ្សនិងអនុប្រធានមន្ទីរកសិកម្មខេត្តកំពង់ធំត្រូវបានប្រជាពលរដ្ឋនិយាយថាបានឃុបឃឹតគ្នាជាមួយឈ្មួញប្រព្រឹត្តបទល្មើសជួញដូសត្វដូចជាការប្រើល្បិចក្លែងបន្លំឯកសារក្នុងការចេញច្បាប់អោយឈ្មួញដឹកជញ្ចូនសត្វជ្រូកនិងប្រព្រឹត្តអំពើពុករលួយកេងប្រវ័ញ្ចថវិការរដ្នយកលុយលើសសៀវភៅបន្ទុក កៀបសង្កត់លើអាជីវករនិងភូតភូរថ្នាក់ដឹកនាំ
ខេត្តអំពីបទល្មើស ធ្វើពួកគេក្លាយជាអ្នកមាន មានផ្ទះវីឡាឡានទំនើបជិះ រហូតដល់សព្វថ្ងៃ ។ជាក់ស្តែងប្រភពពីពីមន្ដ្រី នគរបាលប្រឆាំងបទល្មើសសេដ្ឋកិច្ចសុំលាក់ឈ្មោះបានឲ្យដឹងថា៖កាលពី យប់ថ្ងៃទី១ ខែមិថុនា ឆ្នាំ២០១៨ ដោយមានការសម្របសំរួលពីព្រះរាជអាជ្ញាខេត្តកំពង់ធំ មន្ដ្រីនគរបាលសេដ្នកិច្ចចុះចាប់រថយន្ដមួយគ្រឿងដឹកជ្រូកមកពីប្រទេសថៃ ឆ្លងកាត់ខេត្ត។
តែពេលចាប់បានហើយ ត្រូវបានមន្ដ្រីជំនាញពេទ្យសត្វ និងអនុប្រធានមន្ទីរកសិកម្មខេត្តកំពង់ធំមិនព្រមទទួលសត្វដែលសមត្តកិច្ចចចាប់បានទេតែពួកគេបានក្លែងបន្ដំ ឯកសារ ដាក់ថាជាជ្រូកខ្មែរទៅវិញ ជាងនេះទៅទៀត ច្បាប់ដែលជិតផុត កាលបរិច្ឆេទ ត្រូវបានគេ ស៊ីញ្ញេទុក និងបោះត្រាទុក ជាស្រេច ដើម្បីងាយស្រួល កែដាក់អោយមាន សុពលភាពឡើងវិញ ។
ចំពោះពតិមាខាងលើនេះលោកប្រធានមន្ទីរកសិកម្មខេត្តកំពង់ធំបានបកស្រាយជូនលោកសុខលូអភិបាលខេត្តហើយត្រូវបានលោកចៅហ្វាយខេត្តបញ្ជូនចូលក្នុងគ្រុបតេឡេក្រាមកាសែតឲ្យដឹងថា៖ចំពោះរឿងដែលលោកប៊ុន រដ្ឋា ជាអ្នកសារព៏តមានគាត់បានជួបជាមួយនិងខ្ញុំបាទនៅស្នងការដ្ឋាននគរបាលខេត្តកំពង់ធំ។គាត់បានសាកសួរព៏តមានពីខ្ញុំ។ហើយខ្ញុំបាទបានប្រាប់ទៅលោកប៊ុនរដ្ឋាវិញថាខ្ញុំបាទពុំទាន់បានធ្វើការពិនិត្យមើលនៅឯកសារគត្តិយុទ្ធរបស់ជំនាញបសុពេទ្យនៅឡើយទេ។ខាងសម្ថកិច្ចជំនាញនិងរងចាំធ្វើការសហការជាមួយនឹងស្ថាប័នដែលពាក់ព័ន្ធជានិច្ចនិងសូមអោយ ខាងសារព៏តមានមេត្តារង់ចាំធ្វើការពិនិត្យមើលនូវឯកសារទាំងអស់គ្នាជាមុនសិន។
លោកប្រធានមន្ទីរបញ្ជាក់ថា ៖ ជាក់ស្តែង ដូចជារឿងប៉ូលីសសេដ្ឋកិច្ចគាត់ធ្វើការឃាត់រថយន្តដឹកសត្វជ្រូករស់ចំនួន៥០ក្បាលដែលជារបស់ក្រុមហ៊ុន ជឺ ប៊ុនថន កាលពីយប់ថ្ងៃទី01/06/2018វេលាម៉ោង8និង15នាទីយប់។ក្រុមហ៊ុនជឺ ប៊ុនថន មានលិខិតគោលការណ៍អនុញ្ញាតអោយនាំជ្រូករស់ចូលពីប្រទេសថៃឡង់ដ៍របស់ក្រសួងកសិកម្មរុក្ខាប្រមាញ់និងនេសាទចុះថ្ងៃទី25/05/2018និងមានលិខិតបទដ្ឋានគតិយុត្តិរបស់ជំនាញបសុពេទ្យតាមច្បាប់អស់ហើយ។ព្រមទាំងមានលិខិតអនុញ្ញាតអោយដឹកជញ្ជូនសត្វពីអគ្គនាយកដ្ឋានសុខភាពសត្វនិងផលិតកម្មសត្វ នឹងអគ្គលេខាធិការក្រសួងកសិកម្មរុក្ខាប្រមាញមនិងនេសាទ។ ដែលស្របទៅនឹងច្បាប់ស្តីពីសុខភាពសត្វនិងផលិតកម្មសត្វ។
តើអោយជំនាញបសុពេទ្យខេត្តទៅធ្វើការទទួលយករបស់គេម្តេចនឹងកើត?។សូមបញ្ជាក់ថាបើយោងតាមលិខិតក្រួសួងកសិកម្មចុះហត្ថលេខាដោយលោកស្រីវុទ្ធីជាអគ្គនាយកបានអនុញ្ញាតិឲ្យក្រុមហ៊ុនជឺ ប៊ុនថន នាំចូលជ្រូកយួននិងសៀមចំនួន៥០០ក្បាលក្នុង១ថ្ងៃសម្រាប់ផ្គត់ផ្គង់១១ខេត្តខ្មែរក្នុងនោះមានសម្រាប់ខេត្តកំពង់ធំ៥០ក្បាលដែរ។បើយោងតាមលិខិតអនុញ្ញាតនេះគឺអាចគ្រប់ទឹកសមត្តកិច្ចជំនាញតាមខេត្តគោលដៅនិងតាមដងផ្លូវព្រោះឈ្មួញវាមិនដែលនាំចូល៥០០ក្បាលគត់នោះទេ។ចឹងហើយបានជាមានការនិយាយថាពេទ្យសត្វខេត្តកំពង់ធំគរប់ទឹកនោះ! ៕
