កោះកុង ៖ ក្រោយពីបែកធ្លាយលិខិតមេដឹកនាំសាសនាធំៗចំនួនបីនៅខេត្តកោះកុង ប្រកាសបដិសេថមិនទទួលស្គាល់លោកស្រីវ៉ា រាវីជាប្រធានមន្ទីរធម្មការនិងសាសនាខេត្ត ដែលគ្រោងធ្វើការតែងតាំងនាពេលខាងមុខនេះរួចមក ស្រាប់តែពេលថ្មីៗនេះ លោកស្រីប្រធានមន្ទីរស្តីទី បានធ្វើការវាយបកទៅលើអនុប្រធានមន្ទ្ទីរម្នាក់យ៉ាងងងើល។
ការវាយបកខុសច្បាប់នេះគឹអ្នកស្រីមិនខ្ចីឲ្យលោកអនុប្រធានធ្វើការជំនួសពេលអ្នកស្រីប្រធានស្តីទីអវត្តមានទេគឺ លោកស្រីវ៉ា រាវីបែរជាផាផ្ទេរសិទ្ធឲ្យអនុប្រធានការិយាល័យធ្វើជាប្រធានស្តីទីជំនួសវិញ។
ការផ្ទេរសិទ្ធខាងលើ ត្រូវបានគេមើលឃើញថា គឺជាការធ្វើការមិនតាមឋានានុក្រមនិងបង្ហាញពីបែកបាក់សាមគ្គីផ្ទៃក្នុងកាន់តែខ្លាំង រួចក៏ជាការសងសឹកគំនុំផ្ទាល់ខ្លួនផងដែរ ព្រោះអនុប្រធានមន្ទីររូបនោះ ត្រូវបានលោកស្រីវ៉ា រ៉ាវី ដាក់ការសង្ស័យថា ជាគូរប្រជែងចង់ដណ្តើមតំណែងធ្វើប្រធានហើយក៏ជាអ្នករារាំងដល់ការតែងតាំងលោកស្រីផងដែរ ។
សូមបញ្ជាក់ថាៈក្រោយពីផ្ទុះរឿងមេដឹកនាំសាសនាធំៗបីនៅក្នុងខេត្តប្រកាសមិនគាំទ្រ សាលាខេត្តកោះកុងកាលពីសប្តាហ៍កន្លងទៅ បានបើកកិច្ចប្រជុំមួយតាមសំណើរ ឪពុកដែលមានតួនាទីជាទីប្រឹក្សាក្រសួងធម្មការនិងកូនស្រីដែលជាប្រធានស្តីទីមន្ទីរ បានកោះហៅព្រះសង្ឃនិងមេដឹកនាំសាសនានៅក្នុងខេត្តកោះកុងព្រមទាំងលោកសំ ធឿន អនុប្រធានមន្ទីរ មកប្រជុំដោយជជីកសួររឿងដែលធ្វើលិខិតទៅកាន់ថ្នាក់ដឹកនាំខេត្តដោយប្រកាសបដិសេថមិនទទួលស្គាល់លោកស្រីវ៉ា រ៉ាវី ធ្វើជាប្រធានមន្ទីរ បង្កឲ្យមានការមិនសប្បាយចិត្តនិងស្តីបន្ទោសដាក់គ្នាទៅវិញទៅមកផងដែរ៕
