ភ្នំពេញ ៖ កាលពីថ្ងៃពុធ ១ រោជ ខែជេស្ឋ ឆ្នាំច ពស២៥៦២ ត្រូវនិងថ្ងៃទី៣០ ឧសភា ឆ្នាំ២០១៨ មានពីធីភ្ជាប់ពាក្យកូនស្រី លោក ម៉ៅ ធនិន អភិបាលខេត្តពោធិសាត់ និងលោកជំទាវ ហ៊ុន ចាន់ធី ជាមួយកូនប្រុសលោក នាវ ស៊ីថុង អតីតចៅហ្វាយខេត្តកំពង់ស្ពឺ និងអតីតអគ្គរាជអាជ្ញាសាលាឧទ្ធណ៍ មកពីគណបក្សហ្វុនស៊ិនប៉ិចជំនាន់ឆ្នាំ១៩៩៨ និងជំទាវ នាវ ចន្ទថាណា។
ពិធីភ្ជាប់ពាក្យមួយ បានប្រារព្ធពិធីយ៉ាងធំ និងអធិកអធមខ្លាំងប្រៀបបានទៅនឹងពិធីមង្គលការទៅហើយ នៅលើផ្ទះឈើប្រណីតយ៉ាងធំស្កឹមស្កៃស្ថិតក្នុងសង្កាត់ព្រែកឯងខណ្ឌច្បារអំពៅរាជធានីភ្នំពេញដោយមានវត្តមានភ្ញៀវអ្នកមុខអ្នកការឈ្មួញពិសេសកូនប្រុសច្បងសម្តេចតេជោហ៊ុនសែនឧត្តមសេនីយ៍ហ៊ុនម៉ាណែតនិងជំទាវចូលរួម។
តែអ្វីដែល ធ្វើឲ្យអ្នកលេងបណ្តាញសង្គមជាច្រើន មានការភ្ញាក់ផ្អើលនិងចាប់អាមរម្មណ៍ខ្លាំង ក្រៅពីគេហដ្ខានធំដូចវាំ ងដែលមើលទៅម៉ាបាវជាងផ្ទះឧកញ៉ា ទ្រី ភាព និងឧកញ៉ា លឹម ប៊ុនណា ហៅខ្នា មេឈ្មួញឈើដ៏ធំល្បីឈ្មោះនៅក្នុងស្រុកខ្មែរនោះគឺ តម្លៃបណ្ណាការតែម្តង គឺច្រើនកប់ពពក ដែលទទួលបានមាសសុទ្ធ៥គីឡូឯណោះ!។
មើលទៅគឺពិតជាប្លែកខ្លាំងមែនទែន ខណៈពេលដែលពិធីភ្ជាប់ពាក្យមួយចំនួន ទទួលបណ្ណាការជាមាសសុទ្ធច្រើនគីឡូបែបនេះ ថែមទាំងមានការរៀបចំអធិកអធម មិនធ្លាប់ឃើញមានពីមុនមក។ សូមបញ្ជាក់ថាពីធីភ្ជាប់ពាក្យនេះកូនប្រុសនាមនាវស៊ីចាវកូនលោកនាវស៊ីថុង។
កូនស្រីឈ្មោះ ម៉ៅ នរនាថ កូនស្រីច្បងរបស់លោក ម៉ៅ ធនិន និងត្រូវជាចៅបណ្ឌឹត ស៊ាង ប៊ុនលាង ទីប្រឹក្សានាយករដ្ឋមន្ត្រី និងជំទាវ ហ៊ុន ចាន់ធឿន ប្អូនស្រីនាយករដ្ឋមន្ត្រីតេជោហ៊ុនសែន! ។ បើតាមសមត្តភាពបណ្ណាការមាម៥គីឡូគ្មានអីអស្ចារ្យឡើយ! ៕ ជូនពរសំណាងល្អគូស្វាម៉ីភរិយាថ្មី៕
