ក្រចេះ ៖ កម្មករឡធ្យូងបានសន្លប់បន្តបន្ទាប់គ្នានៅក្នុងឡធ្យូងមួយកន្លែងរបស់ហ៊ុនហ្គ្រីនអាយលែន នៅភូមិក្បាលដំរី ឃុំក្បាលដំរី ស្រុកសំបូរខេត្តក្រចេះនៅ រសៀលថ្ងៃទី៣១ខែ ឧសភា ឆ្នាំ២០១៨។
បើយោតាមសម្តីអ្នករួការងារដែលដឹកពួកគាត់មកសង្គ្រោះនៅមន្ទីពេទ្យបង្អែកខេត្តក្រចេះបានអោយដឹងថាមុនពេលកើតហេតុមានកម្មករម្នាក់ចុះចូលទៅក្នុងឡធ្យូងដែលមានជម្រៅ៣ម៉ែត្រកន្លះរំពិចនោះបានស្រែកអោយជួយផងភ្លាមនោះដែរកម្មករចំនួនបីនាក់ដែល នៅខាងលើក៏ចុះជួយគ្នាជាមន្តបន្ទាប់ធ្វើអោយជាប់គាំងក្នុងឡធ្យូងទាំងអស់គ្នាដោយសារអត់ខ្យល់ឧកស៊ីហ្សែន។
កម្មករដែលរងកាគ្រោះថ្នាក់ក្នុងហតុការណ៍នោះទី១ឈ្មោះ ស៊ី នឿន ភេទប្រុស អាយុ២៨ឆ្នាំរស់នៅភូមិអញ្ចាញ ឃុំដា ស្រុកចិត្តបុរីខេត្តក្រចេះ ទី២ឈ្មោះមឹង វ៉ុនភេទប្រុសអាយុ៤៥ឆ្នាំរស់នៅភូមិព្រែកជិក ឃុំសោប ស្រុកព្រែកប្រសព្វ ខេត្តក្រចេះទី៣ឈ្មោះសាំង សុលីសភេទប្រុសអាយុ៣១ឆ្នាំរស់នៅភូមិកំពង់ដរ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះទី៤ឈ្មោះគ្រី ណាវីភេទប្រុសអាយុ៣៦ឆ្នាំរស់នៅភូមិជ្រោយបន្ទាយ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ។
បើតាមប្រភពពីប្រជាពលរដ្ឋដែលរស់នៅជិតក្រុមហ៊ុន គ្រីនអាយឡែនសូមមិនបញ្ចេញឈ្មោះបានអោយដឹងថា ឡធ្យូងដែលនៅក្នុងហ៊ុនមួយនេះ គឺដំណើការជារៀងរាល់ថ្ងៃ មិនដែលមានបញ្ហាអ្វីនោះទេ ដោយឡែក សំរាប់រសៀលថ្ងៃទី៣១ ខែឧសភា ឆ្នាំ២០១៨នេះ ប្រហែលជាមេការនោះបង្ខំកម្មករអោយចូលទៅបាធ្យូងចេញពីឡ មុនពេលកំណត់បើកឡ ទើបបណ្តាលអោយកម្មករសន្លប់បែបនេះ ។ ហើយម្យ៉ាងទៀត នៅក្នុងឡនោះ អាចមិនទាន់មានខ្យល់ឧកស៊ីហ្សែនគ្រប់គ្រាន់ ៕
ដោយ ម៉ែន បូរិទ្ធ