ភ្នំពេញ ៖ អ្នកលេងបណ្តាញសង្គមហ្វេសប៊ុកមានការភ្ញាក់ផ្អើលទាក់ទងនិងពតិមានថាតារាសម្តែងនិងជាអតីតពីធីការិនីសួនភក្តីហៅវីជេអាណូបោកប្រាសអ្នកស្រីសឿសុធារ៉ាដលើទៅ៥ម៉ឺនដុល្លារអាមេរិក?!។
ថ្មីៗនេះ នៅក្នុងគណនីហ្វេសប៊ុកផ្លូវការរបស់អ្នកនាង សឿ សុធារ៉ាអតីតតារ៉ាសម្តែងដែលជាភរិយាលោកសាពូមីដាដា បានបង្ហោះសារមួយ ដែលពាក់ព័ន្ធ វីជេ អាណូ លើរឿងលុយកាក់ដែលមានទឹកប្រាក់សរុបទៅដល់៥ម៉ឺនដុល្លារ។
«សូមមេត្តាអ្នកនាង សួន ភក្តី ហៅ ( DJ A No )មេត្តាចូលខ្លួនមកដោះស្រាយរឿងចេញសែកស្អុយមកឲ្យនាងខ្ញុំ ចំនួន៦សែក សរុបទឹកប្រាក់ចំនួន៥០០០០ដុល្លារ ( ប្រាំមុឺនដុល្លាអាមេរិកគត់) គាត់មកយកលុយពីខ្ញុំថ្ងៃជាប់ជាគ្នាៗ ខ្ញុំក៏ឲ្យបន្តបន្ទាប់ ខ្ញុំគ្មានជំរើសទេព្រោះខ្ញុំមានកូន មានបងប្អូនដែលត្រូវជួយចិញ្ចឹម»។អ្នកស្រីសឿសុធារ៉ាដែលរស់នៅក្នុងជីវភាពហ៊ឺហាមានឡានទំនើបៗជិះមានកូនពីរនាក់ស្រីបងនិងកូនប្រុសក្រោយទើបប្រសូត្រថ្មីៗនេះ។
សូមបញ្ជាក់ផងដែរថាអ្នកនាង សឿ សុធារ៉ា និង វីជេ អាណូដែលបច្ចុប្បន្នមានហាងលក់បាយមួយនៅក្រោយវាំង មិនសូវមានមានអ្នកណាដឹងនោះទេ ថាធ្លាប់មានទំនាក់ទំនង ឬរាប់អានជាមួយគ្នាបែបណាទេ ទើបតែពេលនេះទេ អ្នកស្រីសឿសុធារ៉ា ទម្លាយ រឿងទាក់ទងនឹងលុយ ជាមួយនឹងនាងយ៉ាងដូច្នេះ ដែលធ្វើឲ្យ អ្នកគាំទ្រ មានការភ្ញាក់ផ្អើលយ៉ាងខ្លាំង។មកទល់ពេលនេះ គេមិនទាន់ឃើញ វីជេ អាណូ ចេញមុខបកស្រាយនៅឡើយទេ ថាតើរឿងនេះ មានដំណើរដើមទងបែបណានោះ ដូច្នេះ មានតែរង់ចាំតាមដានបន្តទៀត ៕
