ភ្នំពេញៈ នៅព្រឹកថ្ងៃទី២៩ ខែឧសភា នេះ គណៈកម្មាធិការជាតិរៀបចំការបោះឆ្នោត (គ.ជ.ប) បានធ្វើពិធីចាប់ឆ្នោតកំណត់លេខរៀងគណបក្សនយោបាយនៅលើសន្លឹកឆ្នោតដោយសម្តេចព្រះសង្ឃរាជទាំងពីរគណៈ នៅសាលប្រជុំអគារ S នៃក្រសួងមហាផ្ទៃ ដោយមានការចូលរួមពីតំណាងគណបក្សនយោបាយទាំង២០ និងអង្គការជាតិ និងអន្តរជាតិ ដែលទទួលស្គាល់ជាផ្លូវការការចុះបញ្ជីគណបក្សនយោបាយដោយគជប
សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៦ ដែលនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ។ជាលទ្ធផលបង្ហាញថា៖
– គណបក្សខ្មែររួបរួមជាតិ លេខរៀងទី១មានលោកញឹកប៊ុនឆៃជាប្រធាន។– គណបក្សមាតុភូមិយើង លេខរៀងទី២។– គណបក្សពន្លឺថ្មី លេខរៀងទី៣
– គណបក្សសញ្ជាតិកម្ពុជា លេខរៀងទី៤។– គណបក្សខ្មែរក្រោក លេខរៀងទី៥។– គណបក្សសំបុកឃ្មុំសង្គមប្រជាធិបតេយ្យ លេខរៀងទី៦មានលោកម៉មសុណង់ដូជាប្រធាន។
– គណបក្សប្រជាធិបតេយ្យមូលដ្ឋាន លេខរៀងទី៧មានលោកយ៉េងវីរៈជាប្រធាន។
– គណបក្សសាធារណរដ្ឋប្រជាធិបតេយ្យ លេខរៀងទី៨។– គណបក្សរស្មីខេមរា លេខរៀងទី៩។– គណបក្សសម្ព័ន្ធដើម្បីប្រជាធិបតេយ្យ លេខរៀងទី១០មានលោកខឹមវាសនាជាប្រធាន។
– គណបក្សខ្មែរសាធារណរដ្ឋ លេខរៀងទី១១មានលោកលន់រឺទ្ធ(កូនសេនាប្រមុខលន់នល់)ជាប្រធាន។– គណបក្សខ្មែរឈប់ក្រ លេខរៀងទី១២មានលោកក្រវ៉ាញដារ៉នជាប្រធាន
– គណបក្សហ្វ៊ុនស៊ិនប៉ិច លេខរៀងទី១៣មានសម្តេចក្រុមព្រះនរោត្តមរណរឹទ្ធជាប្រធាន។។– គណបក្សខ្មែរអភិវឌ្ឍន៍សេដ្ឋកិច្ច លេខរៀងទី១៤មានលោកហួនរាជចំរើនជាប្រធាន(អតីតអ្នកកាសែត)
– គណបក្សយុវជនកម្ពុជា លេខរៀងទី១៥មានលោកពេជ្រស្រស់ជាប្រធាន។។– គណបក្សធម្មាធិបតេយ្យ លេខរៀងទី១៦
– គណបក្សឆន្ទៈខ្មែរ លេខរៀងទី១៧មានលោកគង់មុន្នីជាប្រធាន(កូនប្រុសលោកគង់គាំ)។– គណបក្សជនជាតិដើមប្រជាធិបតេយ្យកម្ពុជា លេខរៀងទី១៨
– គណបក្សខ្មែរតែមួយ លេខរៀងទី១៩។– គណបក្សប្រជាជនកម្ពុជា លេខរៀងទី២០៕