មណ្ឌលគិរី ៖ ឈ្មួញឈើម្នាក់ឈ្មោះភឿក មុន្នីត្រូវបានគែដឹងថា៖ មានតួនាទីជានគរបាល នៅក្រសួងមហាផ្ទៃបាននិង កំពុងកាន់លិខិតដេញថ្លៃបានពីក្រសួងកសិកម្មកាលពី២ឆ្នាំមុន ដើរប្រមូលទិញឈើដែលក្រុមឈ្មួញកាប់ខុសច្បាប់ក្នុងដីសម្បទានសង្គមកិច្ចស្រុកកោះញែកនិងក្នុងព្រៃតំណមរបស់បងប្អូនជនជាតិដើមមកឲ្យស្របច្បាប់ក្រោមការឃុបឃឹតជាមួយសមត្ត កិច្ចបង្កការខឹងសម្បា សហគមន៍ជនជាតិដើម ។
នគរបាលឈ្មោះលោកភឿក មុន្នីគឺ ជាម្ចាស់ក្រុមហ៊ុនដេញថ្លៃបានឈើមូលជ្រុងប្រមាណ១៨៧២ម៉ែត្រត្រីគុណ៨៥០ជាវត្ថុតាង ដែលសមត្ថកិច្ចបង្ក្រាប បានកាល ពីជាង២ឆ្នាំមុននៅតំបន់អូរ៉ូ ស្រុកកោះញែកខេត្តមណ្ឌលគិរីតាមបន្ទាត់ខ្សែរក្រវ៉ាត់ព្រំដែន ប្រទេសកម្ពុជា និងវៀតណាម ។
លិខិត ស្នើររបស់លោកភឿក មុនី បានបញ្ជាក់ថា សូមដឹកផលអនុផលព្រៃឈើពីតំបន់អូរ៉ូ ដែលជាទីតាំងគំនរទី១ យកមករក្សាទុកនៅ គំនរទី២ស្ថិតនៅក្នុងដីសម្បទានសង្គមកិច្ច ភូមិសាស្ត្រក្បែរ ទីតាំងស្នាក់ការបរិស្ថានត្រពាំងត្រាច។ក្នុងលិខិតស្នើរសូមនោះ លោកភឿក មុនី បានទទួលលិខិតលេខៈ ៣៤២ស. ជ. ណ. ប. ស្ថ ចុះថ្ងៃទី០៦មេសា២០១៨របស់ក្រសួងបរិស្ថាន។លិខិតបើក ផ្លូវលេខៈ ០៥២រព.កកព/LP/Bចុះថ្ងៃទី១០មេសា២០១៨របស់ប្រធានរដ្ឋបាលព្រៃឈើ។និងលិខិតលេខៈ៣៩៣ស.ជ.ណ.ប.ស្ថចុះថ្ងៃទី២៤មេសា២០១៨របស់ក្រសួងបរិស្ថាន។ព្រមទាំងមានការឯកភាពផងដែរពីអភិបាលខេត្តមណ្ឌលគិរីលោកស្វាយសំ អ៊ាង លើការស្នើរសូម របស់លោកភឿក មុនី ពីខាងលើ។
ប្រភពពីស្រុកកោះញែកបានឲ្យដឹងថា ក្រោមលេសនេះលោកភឿក មុនី បានកែនប្រជាពលរដ្ឋប្រដាប់ ដោយរណាយន្ត ត្រាក់ទ័រ គោយន្តកែឆ្នៃ ចូលកាប់ឈើមាន សុក្រំ ឈ្លីក ផ្ចឹក ជាដើមក្នុងព្រៃនៃសហគមន៍ភូមិឈួល ឃុំស្រែហ៊ុយ និងព្រៃក្នុងដីសម្បទានសង្គមកិច្ច រំលោភទៅនិងកិច្ចសន្យាដែលបានធ្វើជាមួយក្រសួងកសិកម្មនិងក្រសួងបរិស្ថាន។ជាក់ស្តែងកាលពីថ្ងៃទី ០៦ខែឧសភាកន្លងទៅសហគមន៍ភូមិឈួល បានរាយការថាលោកភឿក មុនី បានបញ្ជាឲ្យមានការកាប់ ឈើនៅជុំវិញទីតាំងដែលលោកស្នើរសូមធ្វើជាទីតាំងទី២ដើម្បីរក្សាទុកឈើវត្ថុតាង ដើម្បីទុកលាយឡំគ្នា ជាមួយឈើវត្ថុតាងនៅតំបន់អូរ៉ូ ដែលពុំទាន់បានដឹកមួយដុំមកទាល់តែសោះនោះ។
សេចក្តីរាយការណ៍ពីសមាជិកសហគមន៍ភូមិឈួល ប្រាប់ថា ច្រកចូលទីតាំង ស្តុកឈើលោកភឿកមុនី ត្រូវបានធ្វើរោងនិងប៉ារ៉ាស បាំងរួចទៅហើយកាលពីថ្ងៃទី០៧ឧសភា ក្រោម ហេតុផលថាមិនឲ្យមន្ត្រីអង្គការក្រៅរដ្ឋាភិបាលនិងអ្នកកាសែតចូលទៅពិនិត្យនិងថត រូបនៅទីនោះ។កាល ដែលធ្វើប៉ារ៉ាសបាំងនេះ សហគមន៍បានសំដែងការមិនពេញចិត្តផងដែរ ព្រោះទីតាំងខាងលើ ជាផ្លូវ ចាស់ដែលសហគមន៍ធ្វើដំណើរទៅកាន់ទីបញ្ចុះសពនិងជាកន្លែងគោក្របីស៊ីស្មៅជាប្រចាំ ។
លោក ភឿក មុន្នី បានឲ្យកាសែតដឹងថា លោកបានការអនុញ្ញាតពីខេត្ត ដើម្បីប្រមូលឈើដែលដេញថ្លៃបានពីតំបន់ព្រំដែន ប៉ុស្តិ៍អូររ៉ូ ចំនួន១ ៨៧២ម៉ែត្រគូប យកទៅស្តុបទុកនៅលើទីតាំងដីសម្បទានសង្គមកិច្ចរបស់យោធា។លោកមុន្នី បានបញ្ជាក់យ៉ាងខ្លីថា លោកមិនបានឲ្យប្រជាជនណាម្នាក់ចូលទៅកាប់ឈើឲ្យលោកទេ ។តែបើតាមក្រុមប្រជាពលរដ្ឋដែលបានចូលទៅកាប់ឈើនៅក្នុងព្រៃសហគមន៏ភូមិឈូលបាននិយាយថា ពួកគាត់ត្រូវបានមេការឈ្មោះ ថុល នឹងឈ្មោះចែ គា ជាអ្នកចេញមុខជួយសម្រួលលើការកាប់ឈើក្នុងតំបន់ ដើម្បីលក់ឲ្យក្រុមហ៊ុនឈ្មោះ មុន្នី ក្នុងមួយម៉ែត្រគូបតម្លៃ៣៥០ ០០០រៀល។
យោងតាមលិខិតរបស់ក្រសួងបរិស្ថាន លេខ៣៩៣ សជណ ប.ស្ថ ចុះថ្ងៃទី២៤ មេសា ២០១៨ បានឲ្យដឹងថា ការដឹកជញ្ជូនឈើដែលលោកភឿក មុន្នី ដេញថ្លៃបានយកចេញពីតំបន់អូរ៉ូ នៃដែនជម្រកសត្វព្រៃស្រែពក ត្រូវគោរពតាមគោលការណ៏ដូចជា ១.មិនអនុញ្ញាតឲ្យដឹកឈើកាត់តាមតំបន់ស្នូល នៃដែនជម្រកសត្វព្រៃស្រែពកនោះទេ ប៉ុន្តែការដឹកជញ្ជូនឈើត្រូវកាត់តាមផ្លូវប៉ុស្តិ៍អង្កេតការណ៏អូររ៉យ មកដល់ទន្លេស្រែពក ទល់មុខប៉ុស្តិ៍១៤ រួចដឹកជញ្ជូនតាមផ្លូវក្រោយ ឆ្លងកាត់ភូមិកោះម្យើលលើ នឹងម្យើលក្រោម ឆ្ពោះមកផ្លូវជាតិលេខ៧៦។
២.មិនអនុញ្ញាតឲ្យបង្កើតទីតាំងកែច្នៃឈើនៅក្នុង ឬក្បែរដែនជម្រកសត្វព្រៃស្រែពក។៣.មិនអនុញ្ញាតឲ្យប្រើប្រាស់រណាយន្តគ្រប់ប្រភេទ។ តែជាក់ស្តែងគេសង្កេតឃើញថា ក្រោយទទួលបានការយល់ព្រមពីសហគមន៏ឲ្យខ្ចីដីសម្រាប់ធ្វើឃ្លាំងស្តុបឈើ បែរជាឃើញមានរណាយន្ត នឹងរថយន្តកែច្នៃជាច្រើនគ្រឿងសម្រុកចូលទៅអារជ្រៀកឈើក្នុងដែនជម្រកសត្វព្រៃស្រែពកយកទៅស្តុបនៅកន្លែងដែលលោកភឿក មុន្នី អះអាងថា ទុកស្តុបឈើដែលដេញថ្លៃបានផ្ទុយពីលិខិតរបស់ក្រសួងបរិស្ថានទៅវិញ ៕