ក្រចេះ ៖ បុរសម្នាក់ដែលគេស្គាល់ថាឈ្មោះ ម៉ាប់ ជាមន្ត្រីនគរបាលសេដ្ឋកិច្ចក្រសួងមហាផ្ទៃ ប្រចាំការនៅចំនុចផ្លូវបំបែកសណ្ដាន់ ឃុំសណ្ដាន់ ស្រុកសំបូរ ខេត្តក្រចេះ កុំពុងរងការចោទប្រកាន់ជំរិតទាប្រាក់ពីប្រជាពលរដ្ឋរកស៊ីដឹកឈើតាមគោយន្តកន្ត្រៃ រម៉ក និងម៉ូតូបន្តិចបន្តួចមិនអោយរំលងបានឡើយ។
បើយោងតាមប្រភពពីប្រជាពលរដ្ឋ ដែលធ្លាប់រកស៊ីដឹកឈើតាមម៉ូតូមានការត្អូញត្អែរក្នុងមុខរបរដឹកឈើបន្តិចបន្តួចដែលសេសសល់កម្ទេចកំទី និងសេសសល់ពីភ្លើងឆេះព្រៃដឹកយកទៅលក់ ដើម្បីដោះស្រាយជីវភាពគ្រួសារ ក្រោយពីទំនេពីស្រែចំការថា ពួកគាត់អោយតែមកដល់ត្រង់ចំនុច ផ្លូវបំបែកសណ្ដាន់ តែងតែឃើញមានឡានទំនើបៗរបស់សមត្ថកិច្ច និងមន្ត្រីជំនាញជាច្រើនស្ថាប័ន តាមប្រដេញកាក់ពីមុខដើម្បីទាអោយបង់ប្រាក់តាមតែពួកគាត់ចង់បាន ជាថ្នូរមិនចាប់បង្ក្រាប បើមិនដូឆ្នេះទេពួកគាត់គំរាមចាប់វ៉ៃខ្នោះ រឺគំរាមចាប់បញ្ជូនទៅអោយមន្ត្រីជំនាញពាក់ព័ន្ធជាដើម ដោយពួកគាត់ខ្លាចបាត់បង់់សម្ភារ: និងការគំរាមផងនោះពួកគាត់បង្ខំចិត្តត្រូវតែបង់អោយសមត្ថកិច្ច និងមន្រីជំនាញពាក់ព័ន្ធគ្រប់ស្ថាប័នទាំងនេះ ពិសេស គឺឈ្មោះម៉ាប់ដែលជាមន្ត្រីនគរបាលសេដ្ឋកិច្ច ក្រសួងមហាផ្ទៃ តាមតម្រូវការដែលគេចង់បាន។
ជាក់ស្ដែងនៅថ្ងៃទី១៥ ខែឧសភា ឆ្នាំ២០១៨ វេលាម៉ោង០៣.១៥គេឃើញមានលោក ម៉ាប់ ដែលជាមន្ត្រីនគរបាលសេដ្ឋកិច្ចក្រសួងមហាផ្ទៃ បានមកធ្វើសកម្មភាពដេញកាក់ម៉ូតូទាំងកណ្ដាលថ្ងៃ។
ជំវិញបញ្ហានេះដែរ បងប្អូនប្រជាពលរដ្ឋសូមសំនោមពរដល់ ឯកឧត្តម វ៉ា ថន អភិបាលនៃគណ:អភិបាលខេត្តក្រចេះទើបឡើងកាន់តំណែងថ្មី និងក្រសួងពាក់ព័ន្ធ ពិសេសក្រសួងមហាផ្ទៃ មេត្តាពិនិត្យមន្ត្រី និងបុគ្គលនេះផង ៕
