ខេត្តបន្ទាយមានជ័យ ៖ កម្លាំងនគបាលខេត្តសុរិន ចេញបង្ក្រាបការលបលួច កាប់ឈើគ្រញូងនៅតាមបន្ទាត់ ព្រំដែនកម្ពុជា-ថៃ ច្រកក្នុងខេត្តសុរិន បានស្រាវជ្រាវដឹងថា នឹងមានជនជាតិខ្មែរលបលួច ដឹកជញ្ជូនឈើគ្រញូង ដោយប្រើរថយន្តចូលក្នុងទឹកដីថៃ ក៏បានសហការជាមួយទាហាន មន្ត្រីព្រៃឈើ អាជ្ញាធរដែនដីនគរបាល និងប៉ុស្តិ៍ត្រួតពិនិត្យ ច្រកទ្វារឆងចម រៀបចំផែនការចាប់ខ្លួន។នេះបើយោងតាមការចុះផ្សាយ របស់គេហទំពរ័ក្នុងស្រុកថៃ។
ហេតុការណ៍បានកើតឡើងនៅវេលាម៉ោងប្រមាណ១៦ និង០០នាទីកាលពីថ្ងៃទី១៧ ខែមេសា ឆ្នាំ២០១៨កន្លងទៅ មានរថយន្តសង្ស័យតាមដែលទទួលបានសេចក្ដីរាយការណ៍ពីក្រុមស៊ើបការណ៍សម្ងាត់ បានបើកឡើងមកបរិវេណ ប៉ុស្តិ៍ត្រួតពិនិត្យកណ្ដាល ចម្ងាយពីព្រំដែនកម្ពុជា-ថៃ ប្រមាណ៤០០ម៉ែត្រ ផ្លូវសុរិន-ឆងចម ឃុំដាន ស្រុកកាបឆឺង ខេត្តសុរិន កម្លាំងសមត្ថកិច្ចដែលត្រៀមចាំ បានស្កាត់ចាប់រថយន្តខាងលើ នឹងចាប់ខ្លួនឈ្មោះ សម ចេន ភេទប្រុស អាយុ៣៨ឆ្នាំ ជនជាតិខ្មែរ នឹងទាំងវត្ថុតាងរួមមាន៖រថយន្តតូយ៉ូតាពណ៌ខ្មៅ ពាក់ស្លាកលេខ 2p2579 ភ្នំពេញ ១គ្រឿង ឈើគ្រញូងចំនួន៥៦ដុំ ។
ក្រោយពីធ្វើការសាកសួរ ឈ្មោះ សម ចេន ភេទប្រុស អាយុ៣៨ឆ្នាំ ជនជាប់ចោទ បានសារភាពថា៖បានធ្វើ៣លើកមកហើយ ដោយជញ្ជូនឈើឡើងចុះ តាមប៉ុស្ត៍ត្រួតពិនិត្យនេះជាប្រចាំ គេចផុតពីខ្សែភ្នែកសមត្ថកិច្ចរហូត ជញ្ជូនចូលទៅដីខ្មែរ មានថៅកែទទួលទិញក្នុងតម្លៃខ្ពស់ ថ្ងៃនេះមិនគិតថាត្រូវចាប់ ដោយងាយៗបែបនេះទេ ។បន្ទាប់ពីត្រួតពិនិត្យឯកសារក្នុងរថយន្ត ឃើញឈ្មោះបុគ្គលខាងលើ គឺជាម្ចាស់រថយន្ត នឹងឈើគ្រញូងចំនួន៥៦ដុំ បង្កប់នៅក្រោមពូករថយន្ត ហើយឈើគ្រញូងទាំងអស់នេះ នៅពេលនាំទៅដល់ប្រទេសវៀតណាម មានតម្លៃប្រមាណជាង៣ម៉ឺនដុល្លារ ទើបសមត្ថកិច្ចនាំយកវត្ថុតាងទាំងអស់ ទៅប្រគល់ឲ្យសមត្ថកិច្ចជំនាញស្រុក កាប់ ឆឺង ដើម្បីអនុវត្តតាមនិតិវិធីច្បាប់បន្ត៕