ក្រចេះ៖ឡានយីឌុប០៧គ្រឿង ផ្ទុកឈើប្រណិតប្រភេទសុក្រមឡាំងមួយចំនួន ដែលចតលាក់ទុកក្នុងឃ្លាំងជាប់ច្រកអន្តរជាតិត្រពាំងស្រែ-វ៉ាលឺ ឋិតក្នុងឃុំ២ធ្នូរបស់ឈ្មោះ ម៉ៅ ភេទប្រុស រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ ដែលមានទីតាំងស្ថិតនៅទីតាំង ភូមិព្រែកក្តី ឃុំស្នួល ស្រុកស្នួល ខេត្តក្រចេះត្រូវបានសមត្តប៉េអឹមខេត្តក្រចេះបង្ក្រាប នាថ្ងៃ១២មេសានេះ។ សូមបញ្ជាក់ថាការបង្ក្រាបបានធ្វើឡើងក្រោយពីបែកធ្លាយថាមានឡានយីឌុបដឹកឈើ៣គ្រឿងរបស់លោកសានចយបានលោតឆត្រ័ចេញចេញពីក្រុមហ៊ុនឆាយណាម៉េតទៅស្រុកយួនតាមច្រកវ៉ាលឺកាលពីយប់ថ្ងៃពុធ ១១រោច ខែចេត្រ ឆ្នាំរកា ព.ស.២៥៦១ ត្រូវនឹងថ្ងៃទី១១ ខែមេសា ឆ្នាំ២០១៨ដោយសារតែត្រូវគ្នាជាមួយសមត្តកិច្ចច្រក។
ក្រៅពីឡានយីឌុប៣គ្រឿងដែលរបូតដោយសារមានប្រេងរំអឹលនោះឈ្មោះសានចយនិងឈ្មោះទឹមដែលគេរាយការណ៍ថាជាម្ចាស់ឈើនៅមាន៧គ្រឿងទៀតត្រៀមចេញ។តែដោយបែកការណ៍ក៏ចូលជ្រកជាបណ្តោះអាសន្ន នៅក្នុងឃ្លាំងផ្អាក(អតីតឃ្លាំងរបស់ឈ្មោះធីបាញ់)នៅជាប់នឹងច្រកអន្តរជាតិត្រពាំងស្រែ-វ៉ាលឺនៅឡើយ ខណៈភាគីខាងវៀតណាម និងឃ្លាំងឈើរបស់វៀតណាម មិនទាន់អនុញ្ញាតឲ្យមានការទទួលយក។
ការបែកធ្លាយពតិមាននេះបានធ្វើឲ្យ ឈ្មួញសាន ចយ និងឈ្មួញ ទឹម ភ័យស្លន់ស្លោរ ខ្លាចសមត្ថកិច្ចចុះបង្ក្រាប ជាពិសេសរឿងដែលគួរឲ្យភ័យជាងឈ្មួញសាន ចយ និងឈ្មួញ ទឹម នោះ គឺសមត្ថកិច្ចអាជ្ញាធរ និងជំនាញជាច្រើនស្ថាប័ន ដែលបានទទួលប្រយោជន៍រួចហើយនោះ បែរជាឡានឈើនេះ មិនអាចឆ្លងទៅប្រទេសវៀតណាមបាន និងជាក្តីព្រួយបារម្ភយ៉ាងខ្លាំង ដឹងដល់ថ្នាក់លើ ពួកគេអាចប្រឈមទៅនឹងការស្តីបន្ទោស ឬក៏ជាទង្វើក្បត់ទំនុកចិត្តមេ ។
អាឡូវក្រោយពីការបង្ក្រាបគេរាយការណ៍មកថា៖ ទាំងថៅកែឈើ ទាំងអាជ្ញាធរ សមត្ថកិច្ច ជំនាញពាក់ព័ន្ធ នៃក្រុមវប្បធម៌កន្ទេលធំបន្លំដេក កំពុងតែជ្រួលច្របល់ ព្រោះ ករណីនេះគេនិយាយថាម្ចាស់ឈើខាតធ្ងន់ ព្រោះលឺថាចំណាយមិនធម្មតាដើម្បីបានលោតឆត្រ័។តាមពតិមានត្រួសៗគេនិយាយថា៖ក្នុងមួយឡានយីឌុបគេត្រូវចំណាយ៖
ទី១-ចំណាយទិញ១ម្រ៉ែតគូបរួមទាំងថ្លៃឈ្នួលលើកតំលៃ៤០០ដុល្លារ។ ក្នុង១ឡានស្មើនិង៤៥-៥០ម៉ែត្រគូប ចឹងអស់លុយ១ឡានពី១៨០០០-២០០០០ដុល្លារ។
ទី២-ឈើមាន៧ឡានគឺស្មើនិង ១២៦០០០-១៤០០០០ដុល្លារ។ ទី៣មាត់ច្រកទារថ្លៃឈើអត់ប៉ាស្ព័រនេះ គឺ១Kg=៣ដុល្លារទៀត។
ទី៤-អស់ឡាន៧គ្រឿងទៀត។
ទី៥-លើកមុនចេញ២ជើងជំពាក់ខាងសមត្ថកិច្ច១១០០០ដុល្លារ ។
ទី៦-ធានាថាសងវិញទាំងដើមទាំងការ ពេលចេញឈើលើកក្រោយនេះ តែចុងក្រោយ កម្លាំងអាវុធហត្ថខេត្តក្រចេះចាប់ម៉ដ្ឋអស់រលីង។
សូមបញ្ជាក់ថា៖រថយន្តយីឌុបដឹកឈើប្រណិត៣គ្រឿងដែលដឹកចេញពីក្រុមហ៊ុនឆៃណា ឆ្លងទៅប្រទេសវៀតណាម តាមច្រកអន្តរជាតិត្រពាំងស្រែ-វ៉ាលឺ កាលពីយបថ្ងៃទ១១មេសាគឺចំណាយពីមួយម៉ឺនមួយពាន់ដុល្លារទៅមួយម៉ឺនបីពាន់ដុល្លារអាមេរិក ក្នុង១ឡាន។
ប្រភពពីឈ្មួញដែលអាចយកជាការបាន ក្នុងចំណោមមន្ត្រីស្ថាបន័ដែលឈរជើងច្រកនោះគេរាយការណ៍ថា៖លោក កើត តារាទី ប្រធានការិយាល័យនគរបាលអន្តោប្រវេសន៍ច្រកអន្តរជាតិត្រពាំងស្រែ-វ៉ាលឺជាអ្នកទទួលប្រយោជន៍ពីបទល្មើសឈើនេះ មានចំនួនច្រើនជាងគេ។មិនអាចសុំការបកស្រាយពីលោកកើតតារាទីបានទេពីរឿងថាស៊ិចំណែកច្រើជាងគេចឹងនោះ?។ទោះជាទទួលសេវាតែសមត្ថកិច្ចនៅច្រកអន្តរជាតិត្រពាំងស្រែ-វ៉ាលឺតម្រូវឲ្យម្ចាស់ឈើ ឈ្មោះ សាន ចយ និងឈ្មោះ ទឹម ប្រើវិធី យកដំឡូងមីដើម្បីគ្របពីលើឈើ បន្លំ ទើបអាចឆ្លងទៅប្រទេសវៀតណាមតាមច្រកនេះ។ អាឡូវរឿងលួចជួញឈើត្រូវបែកការណ៍និងត្រូវបង្ក្រាបតើលទ្ធផលយ៉ាងណាទៅវិញបើមន្ត្រីយើងហោប៉ៅឡើងលើចឹង?៕
