ខេត្តបាត់ដំបង ៖ ពលករខ្មែរធ្វើការងារនៅក្នុងប្រទេសថៃរាប់ពាន់នាក់ បាននាំគ្នាធ្វើដំណើរសម្រុកចាកចេញពីប្រទេសថៃតាមច្រកទ្វារព្រំដែនអន្តជាតិដូង ស្រុកកំរៀង ខេត្តបាត់ដំបងឈមនិងច្រកបានឡែម ស្រុកប៉ូងណាំរ៉ង ខេត្តច័ន្ទបុរី ប្រទេសថៃ នៅព្រឹកថ្ងៃទី៦ ខែមេសា ឆ្នាំ២០១៨នេះ បង្កឱ្យមានការកកស្ទះចរាចរ ដើម្បីមកលេងស្រុកកំណើត ក្នុងឱកាសថ្ងៃបុណ្យចូលឆ្នាំប្រពៃណីជាតិនៅសល់តែ៨ថ្ងៃទៀតប៉ុណ្ណោះនិងឈានមកដល់នោះ។យោងតាមការប្រកាសរបស់ក្រសួងការងារខ្មែរក៏ដូចជាសមត្តកិច្ចកិច្ចប្រាប់ថាពលករខ្មែរដែលធ្វើការនៅថៃមានលិខិតស្នាមត្រឹមត្រូវអាចចេញចូលថៃខ្មែររហូតដល់ថ្ងៃទី៣០មេសាដោយមិនត្រូវចំណាយប្រាក់អ្វីឡើយ។
តែផ្ទុយទៅវិញវបែរជាសមត្តកិច្ចខ្មែរឯងនៅច្រកទ្វារអន្តរជាតិព្រំដែនដូងស្រុកកំរៀងក្រោមការចាត់ចែងរបស់លោកឧត្តមសេនីយ៍ត្រី សៅ ប៊ុនរិទ្ធ ទារលុយពីពលករខ្មែរយើងទៅវិញ។ប្រសិនបើដូច្នោះសកម្មភាពពួកនេះគឺជាសកម្មភាពដុតឲ្យខ្លោចរោចឲ្យឆៅចំពោះគោលនយោបាយរាជរដ្ឋាភិបាលតេជោសែនដែលបាននិងកំពុងយកចិត្តទុកដាក់ចំពោះកម្មករខ្មែរ។
តាមការផ្តល់ពតិមានពីបងប្អូនពលករខ្មែរដែលចេញចូលតាមច្រកទ្វារខាងលើមានការត្អូញត្អែនិងចោទប្រកាន់ថា៖សមត្ថកិច្ចកម្ពុជា និងសមត្ថកិច្ចថៃ ប្រចាំនៅច្រកទ្វារបានទារប្រាក់ពីពួកគាត់ក្នុងម្នាក់ៗ៣រយបាតប្រាក់ថៃស្មើនិងជិត៤ម៉ឺនរៀលប្រាក់ខ្មែរ។
បើតាមការបញ្ជាក់ឱ្យដឹងពីលករខ្មែរប្រាប់អ្នកសារព័ត៌មានឱ្យដឹងថា៖ពួកគាត់បានឆ្លងកាត់ច្រកទ្វារព្រំដែនអន្តរជាតិដូងស្រុកកំរៀងឈមនិងច្រកទ្វារព្រំដែនបានឡែម ស្រុកប៉ូងណាំរ៉ន បានបង់ប្រាក់ទៅឱ្យសមត្ថកិច្ចកម្ពុជាក្នុងម្នាក់១រយបាតប្រាក់ថៃស្មើនិងជាង១ម៉ឺនរៀល ។បង់ប្រាក់ឱ្យសមត្ថកិច្ចថៃ២០០បាតប្រាក់ថៃស្មើនិងជាង២ម៉ឺនរៀលប្រាក់ខ្មែរ ទោះបីពួកគាត់មានឯកសារសម្រាប់ការឆ្លងដែនស្របច្បាប់ក៏គេតម្រូវឱ្យបង់ប្រាក់នោះផងដែរ។ជាងនេះទៅទៀត អីវ៉ាន់ខ្លះដែលពករខ្មែរទិញយកមកប្រើប្រាស់ក៏ត្រូវបង់ប្រាក់ម្នាក់ៗពី១រយបាតប្រាក់ថៃទៅ២រយបាតផងនោះទៀត។
ពាក់ព័ន្ធនិងការយកប្រាក់ពីពលករខ្មែររហូតដល់៣រយបាតស្មើនិងជាង៤ម៉ឺនរៀលទាំងសត្ថកិច្ចថៃនិងសមត្ថកិច្ចកម្ពុជានេះ បើតាមប្រភពព័ត៌មានពីមន្ត្រីសមត្ថកិច្ចខ្មែរប្រចាំច្រកទ្វារព្រំដែនអន្តរជាតិដូងលួចបង្ហើបប្រាប់ថា៖ការយកប្រាក់នោះគឺសមត្ថកិច្ចភាគីទាំង២សហការគ្នាប្រមូលប្រាក់ដើម្បីចែកភាគលាភគ្នា?!។តែលោកឧត្តមសេនីយ៍ត្រី សៅ ប៊ុនរិទ្ធ មេប៉ុស្ថិ៍នគរបាលអន្តោរប្រវេសន៍ច្រកទ្វារព្រំដែនអន្តរជាតិដូងបំភ្លឺប្រាប់កាសែតដោយទទួលស្គាល់ ថា ពិតជាមានពលករខ្មែរចាកចេញមកលេងស្រុកកំណើតច្រើននោះមែន។តាមគោលការណ៍ថ្នាក់លើគឺមិនឱ្យសមត្ថកិច្ចនៅច្រកទ្វារព្រំដែនយកប្រាក់ពីពលករខ្មែរនោះឡើយដោយ លោកអះអាងថាគ្មានករណីយកប្រាក់នោះទេ?!។
លោកឧត្តមសេនីយ៍ត្រី សៅ ប៊ុនរិទ្ធ បញ្ជាក់ ថា បើប៉ូលីសណាយកប្រាក់ពីពលកខ្មែរត្រូវកត់អត្តលេខនិងមើលឈ្មោះដើម្បីចាត់វិធានការប៉ុន្តែលោកឆ្ងល់បើដឹងថាមានសមត្ថកិច្ចយកប្រាក់ហេតុអីបានជាពួកគាត់មិនប្តឹង?។សូមបញ្ជាក់ដែរថា៖ករណីពលកខ្មែរចោទប្រកាន់នគរបាលច្រកដូងទារលុយប្រឆាំងច្បាប់ពុករលួយនេះមិនមែនជាលើកទីមួយនេះទេ។កន្លងមក
លោកសៅ ប៊ុនរិទ្ធ បានប្រើប្រាស់ កម្លាំង ក្រោមការគ្រប់គ្រង របស់ខ្លួនលួចបើក បើកច្រករបៀង មួយទៀត ដែលគេ ដាក់ឈ្មោះថា ច្រកស្វាយចេក(ដើមចាន់គីរី) ស្ថិតនៅខាងលិច ច្រកដូង ឃុំ បឹងរាំង ស្រុកកំរៀង ខេត្តបាត់ដំបង ដែលមានមនុស្ស ចេញចូល នៅពេលកណ្តាលយប់និងទាប ភ្លឺជាប់ជាប្រចាំ។
ក្រុមប៉ូលិសច្រកទ្វារ ទាំងនោះប្រមូលប្រាក់ពី ពលករ ចំណាកស្រុកដែល វិលត្រឡប់ មកពីធ្វើការនៅ ប្រទេសថៃវិញ ពលករម្នាក់ ត្រូវបង់ឲ្យ ចាប់ពី៣០០បាត ទៅ៤០០បាត។
បើ ជាពលករ ណាដែលមានសត្វ មាន់រឺ.ឆ្កែ យកមកជាមួយនោះ ត្រូវបង់លុយ ឲ្យសមត្ថកិច្២០០ច បាតក្នុងមួយក្បាល។ ចំពោះធុង បាស មួយគូ៨០០បាត ទូរទស្សទ៍ មួយគ្រឿង៤០០បាត ។ ជាងនេះទៀតកន្លងមក(យប់ថ្ងៃ១៨/០៦២០១៧/ )មន្ត្រីនគរបាលច្រកដូង មួយក្រុមគ្នា៣នាក់ដឹកនាំដោយលោក ប្រាក់ សំដារ៉ា បានចាប់វាយដកហូតយកសម្ភារះរបស់អ្នកស្រី ម៉ក់ វិច្ឆិកា ជាភ្នាក់ងារការសែតអង្គរធំដោយសារតែថតរូបសកម្មភាពពុករលួយនៅច្រកនេះ។តែរឿងត្រូវបានលោកសៅប៊ុនរីទ្ធបិទចេះយកសមត្តកិច្ចប៉េអឹមមកបិទបាំងដោះខ្លួន។
ទោះជាយ៉ាងណាពិតមាននេះតាមរយៈប្រពន្ធ័វ៉តអាប់លោកនាយឧត្តមសេនីយ៍ឆៃស៊ីណារីទ្ធអគ្គស្នងការរងនគរបាលជាត់បានឲ្យដឹងថាលោកបញ្ជារឲ្យមានការស្រាវជ្រាវហើយ។
សូមបញ្ជាក់ថា សម្រាប់ពលករខ្មែរធ្វើការងារនៅប្រទេសថៃដែលប៉ានស្មានថាមានប្រមាណ១លាននាក់គេសង្កេតឃើញនៅថ្ងៃទី៦ ខែមេសា មិនត្រឹមតែចាកចេញតាមច្រកទ្វារព្រំដែនអន្តរជាតិដូង ស្រុកកំរៀង ខេត្តបាត់ដំបងឈមនិងច្រកបានឡែម ស្រុកប៉ូងណាំរ៉ង ខេត្តច័ន្ទបុរី ប្រទេសថៃប៉ុណ្ណោះទេ។
ពួកគេក៏កំពុងធ្វើដំណើរចាកចេញពីប្រទេសថៃចូលមកកម្ពុជាតាមច្រកអន្តរជាតិប៉ោយប៉ែត ខេត្តបន្ទាយមានជ័យ ឈមនិងច្រកខ្លងឡឹក ស្រុកអារញ្ញ ខេត្តស្រះកែវ ប្រទេសថៃ យ៉ាងសន្ធឹកសន្ធាប់នោះផងដែរ។ ចឹងពេលត្រឡប់ទៅវិញគឺគ្រប់ទឹកសមត្តកិច្ចច្រកទាំងនេះហ្ម៉ងបើសិនជាមកចូលស្រុកកន្លែងខ្លះមិនហ៊ានយកលុយ!៕
