ខេត្តកោះកុង ៖ ថ្លែងនៅក្នុងពិធីសម្ពោធដាក់ឲ្យប្រើប្រាស់វិថីតាឆែម យាយយឹម នៅខេត្តកោះកុង កាលពីព្រឹកមិញ សម្តេច ទៀ បាញ់ ឧបនាយរដ្ឋមន្ត្រី និងជារដ្ឋមន្ត្រីក្រសួងការពារជាតិ បានប្រកាសអំពាវនាវកុំឲ្យកងកម្លាំងប្រដាប់អាវុធ និងប្រជាពលរដ្ឋទូទាំងប្រទេសជឿលើការញុះញង់លើពួកក្បត់ជាតិ នៃអតីតគណបក្សសង្គ្រោះជាតិ ដែលត្រូវបានស្ថាប័នតុលារកំពូលរំលាយចោលបាត់ទៅហើយនោះ។
សម្តេច ទៀ បាញ់ បានថ្លែងទៀតថា កម្ពុជាមានសន្តិភាព និងការអភិវឌ្ឍ ភាពរីកចម្រើនដល់ថ្ងៃនេះ ដោយសារគុណបំណាច់របស់គណបក្សប្រជាជនកម្ពុជា ដែលឈ្នះឆ្នោតស្របច្បាប់ កើតចេញពីសម្លេងប្រជាជនកម្ពុជាពិតប្រាកដ ជាពិសេស ភាពឆ្លាតវៃក្នុងការដឹកនាំរបស់សម្តេច ហ៊ុន សែន នាយករដ្ឋមន្ត្រី នៃកម្ពុជា ដែលលះបង់ទាំងកម្លាំងកាយចិត្ត្ត ទាំងពេលវេលា ដើម្បីជាតិមាតុភូមិ ។
សម្តេចក៏បានអំពាវនាវផងដែរដល់ប្រជាពលរដ្ឋទាំងអស់ ទៅចូលរួមបោះឆ្នោតជូនគណបក្សប្រជាជនកម្ពុជា ដើម្បីឲ្យសម្តេច ហ៊ុន សែន បានបន្តជានាយករដ្ឋមន្ត្រី កាន់អំណាចនៅអណត្តិទី៦បន្តទៀត ដើម្បីប្រទេសជាតិ និងប្រជាពលរដ្ឋយើងទាំងអស់គ្នា ៕
