កំពង់ចាម៖ពលរដ្ឋសប្បាយរីករាយនិងគាំទ្រចំពោះការដឹកនាំរបស់លោក គួច ចំរើន អភិបាល នៃគណៈអភិបាល ខេត្តកំពង់ចាម ដែលបានធ្វើអោយទឹកដីខេត្តកំពង់ចាមក្លាយជាទឹកដីមានស្នាមញញឺមរហូត។ប្រជាពលរដ្ឋនៅទូទាំងខេត្តកំពង់ចាម ទាំងមន្ត្រីរាជការ កងកម្លាំងប្រដាប់អាវុធ អាជីវករ ពាណិជ្ជករ កសិករ កម្មករ សិស្សានុសិស្ស គ្រូបង្រៀន គ្រូពេទ្យ ព្រមទាំងព្រះសង្ឃ តាជី យាយជី និងអ្នកសារព័ត៌មានគ្រប់ប្រភេទ បានសម្តែងនូវការ រំភើបរីករាយ និងមានមោទនភាពក្រៃលែងចំពោះសមិទ្ធផលថ្មីៗជាច្រើនទាំងខាងវិស័យអាណាចក្រ និងពុទ្ធចក្រដែលបានកើតឡើងយ៉ាងត្រចះត្រចង់នៅក្នុងទឹកដីខេត្តកំពង់ចាម ក្នុង អាណត្តិគ្រប់គ្រងដឹកនាំដោយឯកឧត្តម គួច ចំរើន អភិបាល នៃគណៈអភិបាលខេត្តកំពង់ចាមតែក្នុងរយៈពេលជាង២ឆ្នាំ ប៉ុណ្ណោះ ។ ពលរដ្ឋភាគច្រើនបានអំណរសាទរនិងជូនពរឯកឧត្តម អភិបាលខេត្តកំពង់ចាមគ្រប់ទីកន្លែងក្នុងមូលដ្ឋាន ដែលជានិច្ចកាលឯកឧត្តមចុះតាមមូលដ្ឋានគ្រប់ស្រុក ឃុំ ដើម្បីស្វែងយល់និងដឹងពីសុខទុក្ខ ពីកង្វល់និងដោះស្រាយ បញ្ហាប្រឈមជូនពួកគាត់ ដោយមិនប្រកាន់និន្នាការនយោ បាយអ្វីឡើយ។ ក្រៅពីការកសាងស្ថាបនាហេដ្ឋារចនាសម្ព័ន្ធ ផ្លូវលូ ថ្នល់ ផ្លូវលំនានានៅតាមស្រុក ឃុំ វិស័យពុទ្ធចក្រក៏ ដើរទន្ទឹមនិងវិស័យអាណាចក្រផងដែរ ហើយសមិទ្ធផលថ្មីដែល លេចធ្លោជាងគេគឺស្ពានកោះប៉ែនមានប្រវែង៧៧៩ម៉ែត្រ ទទឺង ៩,២០ម៉ែត្រឆ្លងកាត់ដៃទន្លេមេគង្គ ដោយចំណាយថវិកាតបស់ រដ្ឋាភិបាលកម្ពុជាទាំងស្រុង និងកសាងឡើងដោយស្នាដៃកូនខ្មែរ(កងវិស្វកម្ម) ចំណាយលុយអស់ចចំនួន១៣.៤៥លាន ដុល្លារអាមេរិក ដាក់សម្ពោធអោយប្រើប្រាស់ជាផ្លូវការកាលពីថ្ងៃទី១៤មីនា ២០១៨ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។ សមិទ្ធផលទាំងនេះអាចកើតមានឡើងបានក៏អាស្រ័យដោយសារប្រទេស កម្ពុជាយើង មានសន្តិភាព ស្ថេរភាព មានសេដ្ឋកិច្ចរីកចំរើនជា លំដាប់ដោយសារយើងមានអ្នកដឹកនាំប្រទសប្រកបដោយ គតិបណ្ឌិត និងឈ្លាសវៃ គិតគូពីទុក្ខលំបាករបស់ប្រជាពលរដ្ឋ គ្រប់កាលៈទេសៈ ។
តាមការសង្កេតក៏ដូចជាសារព័ត៌មាននានា និងបណ្តាញផ្សព្វផ្សាយសង្គមfb បានលើកឡើងថា ឯកឧត្តម គួច ចំរើន ក្នុងនាមជាគណៈបញ្ជាការកងឯកភាពខេត្តកំពង់ ចាមគឺជារៀងរាល់ថ្ងៃលោកមមារញឹកខ្លាំងណាស់ សឹងតែរក ពេលសំរាកពុំបានទេ ក្រៅពីការងារប្រជុំដាក់ផែនការដល់មន្ត្រី ពាក់ព័ន្ធអោយអនុវត្តគឺលោកតែងតែចុះសាកសួសុខទក្ខពលរដ្ឋ តាមមូលដ្ឋានជាប្រចាំ ។ ចំពោះបញ្ហាសន្តិសុខនៅទូទាំងខេត្ត ក៏ឃើញថាមានភាពប្រសើរឡើងផងដែរដោយសារកងកម្លាំប្រដាប់អាវុធគ្រប់ប្រភេទក្នុងខេត្តសហការគ្នាបានល្អជាមួយ ពលរដ្ឋកាត់បន្ថយបទល្មើសលួច ឆក់ប្លន់ បង្កើនភាពកក់ក្តៅ ជូនពលរដ្ឋ ។
ឯការអនុវត្តរឹតបន្តឹងច្បាប់ចរាចរណ៍គឺត្រូវបានធ្វើឡើងជាប្រចាំដូចភ្លៀងរលឹម មិនអនុញ្ញាតិអោយមានរថយន្តកែច្នៃខុសបច្ចេកទេសដឹកលើសទម្ងន់ឆ្លងកាត់ស្ពាន ផ្លូវថ្នល់ក្នុងទឹកដីខេត្តកំពង់ចាមជាដាច់ខាត។ជាងនេះទៀត លោក គួច ចំរើន ក៏ព្រមានធ្ងន់ៗចាត់វិធានការផ្លូវច្បាប់លើ មន្ត្រីអនុវត្តច្បាប់ណាដែលប្រព្រឹត្តអំពើមិនប្រក្រតី ពុករលួយ ឬអសកម្ម ធ្វើអោយមានការថ្នាំងថ្នាក់ចិត្តពីប្រជាពលរដ្ឋ ។
ដោយសារគេសង្កេតឃើញពីសកម្មភាពជាក់ស្តែងជារៀង រាល់ថ្ងៃរបស់លោកអភិបាលខេត្តកំពង់ចាម ដែលមានប្រជា ប្រិយភាពនៅគ្រប់មូលដ្ឋានទទួលបានការគោរពស្រលាញ់ ពីប្រជាពលរដ្ឋគ្រប់ស្រទាប់វណ្ណៈ ដូច្នេះសង្ឃឹមថា នៅពេល បោះឆ្នោតជ្រើសរើសតំណាងរាស្ត្រ នាខែកក្តដាឆ្នាំ២០១៨ខាង មុខនេះ ខេត្តកំពង់ចាមក្រោមការដឹកនាំរបស់ឯកឧត្តម គួច ចំរើន អភិបាល នៃគណៈអភិបាលខេត្តកំពង់ចាម គណបក្ស ប្រជាជនកម្ពុជា នឹងទទួលបានសម្លេងឆ្នោតគាំទ្រពីប្រជាពលរដ្ឋច្រើនលើសលុបពុំខាន ៕ ដោយៈ ស៊ុន សុផល