រាជធានីភ្នំពេញ ៖ នៅព្រឹកមិញនេះ សាលាឧទ្ធរណ៍ បានសម្រេចតម្កល់ទោសបុរសម្នាក់ ឲ្យជាប់ពន្ធនាគារ ១៥ ឆ្នាំដដែល ពាក់ព័ន្ធនាំពលករ ១០ នាក់ បម្រុងឆ្លងដែនទៅប្រទេសថៃ កាលពីឆ្នាំ ២០០៩។
យោងតាមរបាយការណ៍នគរបាលខេត្តកោះកុង បានបញ្ជាក់ថា កាលពីថ្ងៃ ២៦ ខែមករាឆ្នាំ ២០០៩ ឈ្មោះ នាង រុណ អាយុ ៥៤ ឆ្នាំ កាលពីថ្ងៃទី ៩ ខែមករាឆ្នាំ ២០០៩ បានបើករថយន្តតាក់ស៊ី ដឹកក្រុមជនរងគ្រោះប្រុស-ស្រីចំនួន ១០ នាក់ ដែលជាអនីតិជន ដើម្បីយកឲ្យចូលទៅធ្វើការនៅក្នុងប្រទេសថៃ។ ប៉ុន្តែពេលជនជាប់ចោទបានបើករថយន្ត ដល់ច្រកចាំយាម ឃុំប៉ាកខ្លង ស្រុកដងទុង ខេត្តកោះកុង ដោយមានការសង្ស័យ សមត្ថកិច្ចក៏ឃាត់រថយន្ត និងឃាត់ខ្លួនជនជាប់ជាប់តែម្តង ៕
