កំពត ៖ បញ្ជារតេជោសែនមិនទាន់ស្ងួតទឹកមាត់ផងអតីតព្រះសង្ឃឈ្មោះ ម៉ា រី ដែល ចាត់ទុកថា ជាសង្ឃក្លែងក្លាយ ត្រូវប៉ូលិសខេត្តកំពត ចាប់ខ្លួនបាន ។ ព្រះរាជអាជ្ញាអមសាលាដំបូងខេត្តកំពត លោក ឯក ឆេងហួតទទួលស្គាល់ ថា បុរសឈ្មោះ ម៉ា រី ដែលសឹកពីសង្ឃកាលពីមួយខែមុនត្រូវប៉ូលិសខេត្តកំពតចាប់បានហើយ នៅព្រឹកថ្ងៃពុធ ៥កើត ខែផល្គុន ឆ្នាំរកា ព.ស.២៥៦១ ត្រូវនឹងថ្ងៃទី២១ ខែមីនា ឆ្នាំ២០១៨នៅភូមិព្រែកគ្រឹះ ឃុំព្រែកគ្រឹះ ស្រុកកំពង់ត្រាច ខេត្តកំពត។
សូមបញ្ជាក់ថា ក្នុងជំនួបជាមួយកម្មកររោងចក្រជាង១ម៉ឺននាក់ នៅព្រឹកថ្ងៃទី២១ ខែមីនា ឆ្នាំ២០១៨ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាឲ្យអចៅហ្វាយខេត្តកែប លោក កែន សត្ថា ត្រូវស្រាវជ្រាវរកបុរសម្នាក់ដែលលោកចាត់ទុកថាជា ព្រះសង្ឃក្លែងក្លាយឈ្មោះ ម៉ា រី ព្រោះដើរនិយាយចោទប្រកាន់មកលើរាជរដ្ឋាភិបាល។
“សង្ឃឈ្មោះ ម៉ា រី ទើបតែបួស ខ្ញុំបញ្ជាឲ្យរកអាម្នាក់ហ្នឹង ផ្តាំទៅកុំនិយាយ កុំដើរចល័ត កុំនិយាយផ្តេសផ្តាស កុំធ្វើ គេដឹកនាំប្រទេស គ្មានចារកម្មនោះ នេះលោកសង្ឃពិតប្រាកដ ឬមិនពិតប្រាកដ តាមរកអាមួយហ្នឹង ។ អានេះភូតមហាភូត ទាក់ទងទៅពីណាក៏ភូត ថា ចឹងស្អីលួចស្តាប់គេ បច្ចេកវិទ្យាគេផោម ដឹងហើយ ”។
សម្ដេចតេជោ បញ្ជាក់ថា “គ្មានអ្នកណានៅលើលោកនេះហ៊ានចាប់ ហ៊ុន សែន… សាកលមើលទៅ មនុស្សស្រុកខ្មែរពូកែភូត ខ្ញុំផ្តាំទៅអាម្នាក់ កុំឲ្យភូតច្រើនពេក ប្រយ័ត្នប្រយែង។ យើងស្គាល់លោកឯង កុំហួសហេតុពេក”។មានសេឹចក្តីរាយការណ៍ថាបុរសឈ្មោះម៉ារីនេះដើនិយាយថាតេជោទៅអូស្ត្រាលីបរាជ័យ?!….។
ព្រះរាជអាជ្ញា ឯក ឆេងហួតបង្ហាញថា អតីតព្រះសង្ឃ ឈ្មោះ ម៉ា រី កើតនៅថ្ងៃទី៥ ខែមករា ឆ្នាំ១៩៤៤ មានស្រុកកំណើតនៅភូមិកោះចំការ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត និងមានទៅលំនៅបច្ចុប្បន្នក្នុងភូមិអូរដូង ឃុំពងទឹក ស្រុកដំណាក់ចង្អើរ ខេត្តកែប ដែលមានឪពុកឈ្មោះ សុខ សៀន (ស្លាប់) និងម្ដាយឈ្មោះ សុខ ខាត់ (ស្លាប់) ។
បុរសឈ្មោះ ម៉ា រី មានប្រពន្ធឈ្មោះ គង់ លាន កើតនៅថ្ងៃទី៩ សីហា ឆ្នាំ១៩៥០ បច្ចុប្បន្នបួសជាដូនជី ស្នាក់អាស្រ័យនៅវត្តព្រៃតាកុយ មានស្រុកកំណើតនៅភូមិអូរដូង ឃុំភ្នំលាវ ស្រុកកំពង់ត្រាច ខេត្តកំពត ។ លោក ម៉ា រី មានកូន៥នាក់ ក្នុងនោះមានស្រី៣នាក់ ទី១ឈ្មោះ ម៉ា អាន ភេទស្រី កើតនៅថ្ងៃទី១០ ខែកញ្ញា ឆ្នាំ១៩៧២ មុខរបរបម្រើការងារតាមផ្ទះប្រទេសថៃ ទី២ឈ្មោះ ម៉ា អេង ភេទស្រី កើតនៅថ្ងៃទី១០ ខែឧសភា ឆ្នាំ១៩៨០ មុខរបរកសិករ រស់នៅក្នុងភូមិឃុំជាមួយឪពុក ទី៣ឈ្មោះ ម៉ា ទិត្យ ភេទប្រុស កើតនៅថ្ងៃទី១ ខែកុម្ភៈ ឆ្នាំ១៩៨២ មុខរបរកម្មករនេសាទនៅខេត្តព្រះសីហនុ ទី៤ ឈ្មោះ ម៉ា ចាន់ ភេទប្រុស កើតនៅថ្ងៃទី៥ ខែឧសភា ឆ្នាំ១៩៨៩ មុខរបរកម្មករនេសាទនៅខេត្តព្រះសីហនុ និងទី៥ ឈ្មោះ ម៉ា ពៅ ភេទស្រី កើតនៅថ្ងៃទី១១ ខែកុម្ភៈ ឆ្នាំ១៩៩០ មុខរបរកសិករ។
នៅឆ្នាំ១៩៩៣ លោក ម៉ា រី ជាសមាជិកគណបក្សហ៊ុនស៊ិនប៉ិច លុះដល់ឆ្នាំ២០០៣ លោក ម៉ា រី បានចូលជាសមាជិកសកម្មរបស់គណបក្សសង្គ្រោះជាតិជាមួយលោក ឈួក រីន អតីតមេខ្មែរក្រហមភ្នំវល្លិ៍។ឈ្មោះ ម៉ា រី នេះបួសជាព្រះសង្ឃនៅថ្ងៃទី១៣ មេសា ២០១៥ នៅក្នុងវត្តមនោរម្យទួលសាងាំ ស្ថិតក្នុងស្រុកដំណាច់ចង្អើរ ខេត្តកែប រហូតមួយខែមុនការចាប់ខ្លួននេះ លោក ម៉ារី បានសឹកពីព្រះសង្ឃ៕