វៀតណាម ៖ ស្ថានភាពវិវត្តន៍ចុងក្រោយរបស់លោកបណ្ឌិត ស៊ុយ សារ៉េត នៅព្រឹកថ្ងៃទី១៣មីនានេះគឺបានធូរច្រើនហើយ ។ លទ្ធផលស្គេនក្បាលមិនមានអ្វីគ្រោះថ្នាក់ទេ តែលោកត្រូវនៅសំរាកព្យាបាលយូរថ្ងៃទៀតនៅប្រទេសវៀតណាមដោយសារតែបាក់ធ្មេញស្ទើរអស់ របួសមាត់ របួសត្រចៀក របួសរាងកាយ របួសលើផ្ទៃមុខ ។នេះបើតាមប្រភពពីអ្នកស្គាល់លោកស៊ុយសារ៉េត។
លោកបណ្ឌិត ស៊ុយ សារ៉េត បានទទួលរងគ្រោះដោយសារជនអន្ធពាលដេញវាយយ៉ាងសាហាវ ដោយឃើញ លោកបើកឡានបុក រត់ គេចស្មានថាមិនទទួលខុសត្រូវរឿងបង្កគ្រោះថ្នាក់ចរាចរ! ។
ទោះជាយ៉ាងណាកូនស្រីលោកស៊ុសារ៉េតតាមរយៈមេធាវីដាក់ពាក្យបណ្តឹង ជាផ្លូវការទៅស្នងការដ្ឋាននគរបាលរាជធានី ដើម្បីស្រាវជ្រាវចាប់ជនល្មើសមកផ្ដន្ទាទោសតាមច្បាប់ និងទាមទារសំណងការខូចខាតសរុប ១២០០ លានរៀល ។
”គួររំលឹកឡើងវិញផងដែរថា បុរសដែលបើករថយន្តបង្កគ្រោះថ្នាក់ចរាចរណ៍តាមដងផ្លូវ ចាប់ពីម្តុំទួលសង្កែ ខណ្ឌប្ញស្សីកែវ រហូតដល់ម្តុំមន្ទីរពេទ្យលោកសង្ឃ ហើយត្រូវបានប្រជាពលរដ្ឋ តាមវាយ និងបំផ្លាញរថយន្តនារសៀលថ្ងៃទី១១ ខែមីនា ឆ្នាំ២០១៨ម្សិលមិញនេះ មានឈ្មោះថា បណ្ឌិត ស៊ុយ សារ៉េត គឺជាសាស្ត្រាចារ្យបង្រៀននៅសាកលវិទ្យាល័យកម្ពុជា មានកូន២នាក់ ប្រុសម្នាក់ និងស្រីម្នាក់ ។ លោកត្រូវបានក្រុមគ្រួសារ បញ្ជូនទៅសង្គ្រោះបន្ទាន់ នៅមន្ទីរពេទ្យប្រទេសវៀតណាម ។…
ករណីមួយនេះ លោកនាយនាយឧត្ដមសេនីយ៍ ជួន សុវណ្ណ អគ្គស្នងការរង និង ជាស្នងការនគរបាលរាជធានី បានបញ្ជាអោយសមត្ថកិច្ចតាមចាប់ខ្លួនជនបង្ករយកមកផ្ដន្ទារទោសតាមច្បាប់ ។ ដោយឡែកអាជ្ញាធរខណ្ឌដូនពេញក៏បានចេញសេចក្តីប្រកាសមួយមិនទទួលខុសត្រូវលើចនបង្កដែលគេស្គាល់ថាជាបុគ្គលឹកសន្តិសុខខណ្ឌ័ដោយចាត់ទុកថាជារឿងបុគ្គលនិងទុកឲ្យសមត្តកិច្ចចាត់ការតាមច្បាប់ទៅចុះ៕