បន្ទាយមានជ័យៈ ទោះបីជាមានបទបញ្ជារពីសម្តេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃក៏ដូចជាលោកនាយឧត្តមសេនីយ៍ខេងសាម៉េតអគ្គស្នងការងនគរបាលជាតិឲ្យបិទនិងលុបបំបាត់ច្រករបៀងព្រុំដែនខុសច្បាប់ក៏ដោយក៏នគរបាលការពារព្រុំដែនកម្ពុជាថៃនៃស្នងការនគរបាលខេត្តបន្ទាយមានជ័យមិនខ្ចីយកត្រចៀកស្តាប់ឡើយ។
ជាក់ស្តែងដូចជាច្រករបៀងដើម គ ស្ថិត នៅភូមិ ក្បាលកោះ សង្កាត់ ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដែលស្ថិតក្រោមការគ្រប់គ្រង ដោយលោក ហាំ វណ្ណៈ មេបញ្ជាការប៉ូលិសវរៈការពារព្រំដែនលេខ ៨៩១ នៅតែបានលួចបើកច្រក របៀងនេះ ស្ងាត់ៗដើម្បីរកចំណូលខុសច្បាប់ពីការនាំទំនិញគេចពន្ធនិងនាំចេញពលករខ្មែរខុសច្បាប់នៅពេលយប់។
ច្រករបៀងដើមគនេះត្រូវបានគេរាយការណ៍មកថាមានលោក ឈិន ឈៀង ជាមេបញ្ជាការរង ជាអ្នកប្រមូលលុយពី បទល្មើសផ្សេងៗ ។
តាមប្រភពពីប្រជាពលរដ្ឋដែលថ្លាបចេញចូលតាមច្រករបៀងដើមគបានឲ្យដឹងថា៖ ទំនិញគេចពន្ធជាច្រើនបាននាំ ចេញនាំចូលតាមច្រក នេះ ដោយមានលោក ឈិន ឈៀង ជាមន្ត្រីប៉ូលិសវរៈការពារព្រំដែន ៨៩១ ជាអ្នកបើកច្រកជួយសំរួល ដោយមាន ការឃុបឃិត ជាមួយភាគីខាងថៃផងដែរ ។
ទំនិញដែលត្រូវនាំចូលទៅប្រទេសថៃនោះ មានទំនិញរំលោភកម្មសិទ្ធិ បញ្ញា ជាទំនិញដែលសមត្តកិច្ចប្រទេសថៃកំពុងតែអនុវត្តតប់ស្កាត់មិនឲ្យមានការនាំចូលទៅក្នុង ប្រទេសរបស់គេទេ។ប្រភពបានបង្ហើបថា៖ អ្នកដែលនាំទំនិញរំលោភកម្មសិទ្ធិបញ្ញាចេញពីកម្ពុជា ចូលប្រទេសថៃនោះ មានឈ្មោះ ខ្និន ហៅ ក្អូន ជាប្អូនប្រុសរបស់ ចែ ដាវ ជាឈ្មួញដុះ ស្លែ ពូកែរកស៊ីគេចពន្ធ និងទំនិញដែលគេហាមឃាត់ក្នុងអាណាចក្រក្រុងប៉ោយប៉ែត ។
ចំពោះភាគីអ្នកទទួលទំនិញកម្មសិទ្ធិបញ្ញានេះគេប្រាប់ថាមាន ឈ្មោះ ទី លុង ជាជនជាតិថៃ (ជាឈ្មួញទទួលទិញយកទំនិញរំលោភកម្មសិទ្ធិបញ្ញានេះ ) ។ ឈ្មោះ ខ្និន ហៅ ក្អូន ជាអ្នកនាំទំនិញរំលោភ កម្មសិទ្ធិបញ្ញានេះ បានប្រើប្រាស់រថយន្តទំនើប ម៉ាក HIGHLANDER ដោយផ្ទុកទំនិញ ដឹកចូលនៅពេលយប់ស្ងាត់ ។
ក្នុងការបើកច្រករបៀងលួចលាក់នេះ មិនអាចចៀសផុតពីភ្នែកប្រជាពលរដ្ឋ និងសមត្ថកិច្ច ដទៃទៀតទេ តែមន្ត្រីប៉ូ លិសម្នាក់សុំឲ្យមិនបញ្ចេញឈ្មោះ បាននិយាយថា អាចបើកច្រកនេះ ប្រមូលលុយបាន លុះត្រាតែមានភ្លើងខៀវ ពី លោក អាត់ ខែម ស្នងការនគរបាល ខេត្តបន្ទាយមានជ័យ ហើយនិង ទាហ៊ាន ឬ តម្រួតរបស់ថៃ ត្រូវរ៉ូវគ្នា បានបើក ច្រកនេះបាន!(សិក) ។
បើសិនចឹងមែននោះមានន័យថា រដ្ឋមន្ត្រីក្រសួងមហាផ្ទៃមិនបានមដឹងថាកូនចៅចូកស្មៅក្រោមជើងនោះទេ?!។ប៉ុន្តែយ៉ាងណាគេធ្លាប់បានឮប្រសាសន៍សម្តេចក្រឡាហោមគាំទ្រលោកឧត្តសេនីយ៍អាត់ខែមពេលមានពតិមានរាយការណ៍ភាពខឹលខូច!.។សង្ឃឹមថានឹងមានការពន្យល់ពីសេចក្តីរាយការណ៍ជាមិនខាន! ៕