ក្រចេះ ៖ បន្ទាប់ពីបានប៉ះទង្គិះគ្នានមួយប្រាវ របួសប្រជាពលរដ្ឋ២នាក់ ជម្លោះដណ្តើមដីជាមួយក្រុមហ៊ុនចំការកៅស៊ូមេមត់នៅក្រចេះត្រូវបានបញ្ចប់ហើយ ។ ប្រជាពលរដ្ឋទាំង២៣០គ្រួសារនៅឃុំ២ធ្នូរ ស្រុកស្នួល ខេត្តក្រចេះនោះ ត្រូវបានខាងក្រុមហ៊ុនចំការកៅស៊ូមេមត់ ខូ អិល ធី ឌី និងអាជ្ញាធរ សម្រេចប្រគល់ដីឲ្យប្រជាពលរដ្ឋទាំងនោះ ក្នុងមួយគ្រួសារបានដី ២ហិកតា។ បើចឹងយូហើយវាមិនខាតនយោបាយទេ ។ ព្រោះតេជោ សែន នាយករដ្ឋមន្ត្រីធ្លាប់បានប្រកាសហើយថា ដីរបស់ម៉ែលោកឯង? បើមិនមែនទេឲ្យប្រជាពលរដ្ឋទៅ ។
សូមបញ្ជាក់ថាកាលពីព្រឹកថ្ងៃព្រហស្បត៏ ៧រោជខែផល្គុនឆ្នាំរកា ព.ស ២៥៦១ ត្រូវនឹងថ្ងៃទី៨ខែមិនាឆ្នាំ ២០១៨ បាតុករពីរនាក់ក្នុងចំណោមប្រជាពលរដ្ឋជាង ២០០ នាក់ប្រដាប់ដោយកាំបិត ពូថៅ ដែលចេញមកតវ៉ាបិទផ្លូវជាតិ76Aព្រោះខឹងគេឈូសយកដី រហូតឈានទៅដល់ការប្រើដបសាំង គប់មកលើសមត្ថកិច្ចត្រូវបានបាញ់ឲ្យរងរបួស។
ករណីនេះ កើតនៅចំណុចច្រកចូលរបស់ក្រុមហ៊ុនមេមត់ ភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ រវាងប្រជាពលរដ្ឋជាង២០០នាក់ ដែលមានទំនាស់ដីធ្លី ជាមួយ ក្រុមហ៊ុនមេមត់ ដោយសារខឹង នឹងកំលាំងចំរុះចុះរុះរើផ្ទះរបស់ពួកគាត់នៅតាមក្រវាត់ព្រំដីក្រុមហ៊ុនមេមត់ ដែលមានទំនាស់មិនទាន់បានដោះស្រាយរួចរាល់រាបឆ្នាំមកហើយ។ ប្រជាពលរដ្ឋតវ៉ា របួស២នាក់ ឃាត់ខ្លួន០៧នាក់ មកអធិការស្រុកស្នួល ។
មានសេចក្តីរាយការណ៍ថា៖ ក្រុមហ៊ុនមេមត់ជាក្រុមហ៊ុនរបស់លោកជំទាវ ហ៊ុន ម៉ាណាដែលមានផ្ទៃដីជិត ១ម៉ឺនហិកតា (៩.៨៥០ហិកតារ) សម្រាប់ដាំដំណាំកៅស៊ូរយៈពេល ៥០ឆ្នាំ ចាប់តាំងពីឆ្នាំ២០០៨ ដោយបានប៉ះពាល់លំនៅដ្ឋានប្រជាពលរដ្ឋចំនួន ៥២៧គ្រួសារ ដែលបានតាំងទីលំនៅត្រង់ចំណុច១០៩ ដល់ ១១៥ ឋិតនៅឃុំឃ្សឹម ស្រុកស្នួល ៕
