ភ្នំពេញ ៖ លោកជាសុផារ៉ាទេសរដ្ឋមន្ត្រីរដ្ឋមន្ត្រីក្រសួងរៀបចំដែនដីនគរូបនីយ៍កម្មនិងសំណង់ត្រូវបានប្រជាពលរដ្ឋពេញចិត្តចំពោះរបៀបធ្វើការងាររបស់គាត់ដែលមានសមធមិនិងតម្លាភាពខុសពីរដ្ឋមន្រីសម័យមុន។កន្លងមកនេះលោកជាសុផារ៉ាបានលេងក្បាច់ចូកស្មៅក្រោមជើងរដ្ឋមន្ត្រីក្រសួងអប់រំហុងជួនណារ៉ុនដែលល្បីថាជារដ្ឋមន្ត្រីកែទម្រង់ដោយនាំមុខគេ ក្នុងការបន្ថែមចន្ទ័គតិ ក្នុងការប្រើប្រាស់ថ្ងៃខែក្នុងលិខិតផ្សេងៗហើយទទួលបានការគាំទ្រពីនាយករដ្ឋមន្ត្រី ។ បន្ទាប់មកលោកជាសុផារ៉ាលេងមួយក្បច់ទៀតធ្វើឲ្យប្រជាពលរដ្ឋខ្មែរពេញចិត្តស្តូកនោះគឺបានចេញសេចក្តីលិខិតប្រកាសឲ្យប្រើអក្សរខ្មែរធំៗលើផ្ទាំងផ្សព្វផ្សាយ ក្នុងគោលបំណងលើកស្ទួយអត្តសញ្ញាណជាតិដែលការងារនេះតាមពិតត្រូវក្រសួងវប្បធមិទេដែលគួធ្វើតែមិនព្រមធ្វើបើទោះបីដូរដ្ឋមន្ត្រីថ្មីជំទាវភឿងសក្កណាចូលនិងទោះជាដឹងថាប្រជាពលរដ្ឋខ្មែរមិនពេញចិត្តក៏ដោយ!។
ក្នុងលិខិតចេញកាលពីថ្ងៃទី២៦ខែធ្នូឆ្នាំ២០១៧លោកជាំសុផារ៉ាបានដាក់ចេញគោលការណ៍ណែនាំក្នុងការសរសេរអក្សរខ្មែរលើផ្ទាំងផ្សព្វផ្សាយដែលបានកំណត់នោះត្រូវគោរពតាមលក្ខណដូចខាងក្រោម៖
១. អក្សរខ្មែរត្រូវសរសេរឲ្យបានធំជាងអក្សរបរទេស ហើយត្រូវសរសេរនៅជួរខាងលើ។
២. អក្សរបរទេសត្រូវសរសេរនៅខាងក្រោម និងមានទំហំពាក់កណ្តាលនៃអក្សរខ្មែរ។៣. ការសរសេរអក្សរខ្មែរត្រូវអនុវត្តតាមវចនានុក្រមសម្តេចព្រះមហាសុមេធាធិបតីជោគញាណោ “ជួនណាត”។
សូមបញ្ជាក់ដែរថា៖បន្ទាប់ពីបានចូលកានតំណែងជារដ្ឋមន្ត្រីក្រសួងរៀបចំដែនដីនគរូបនីយ៍កម្មនិងសំណង់លោកជាសុផារ៉ាបានស៊ីផុយក្នុងការដោះស្រាយជូនប្រជាពលរដ្ឋដែលរស់នៅសំណង់អគារប៊ុលឌីងដែលចាស់ទ្រុឌទ្រោមក្រោមរូមភាពឈ្នះឈ្នះ!។
លោកទេសរដ្ឋមន្ត្រីរដ្ឋមន្ត្រីក្រសួងដែនដីបានសរសេរលើបណ្ដាញសង្គមហ្វេសប៊ុកលោកថា៖«ធ្លាប់មានសម្រស់ស្ថាបត្យកម្មនិងមោទនភាព:អគារប៊ូលឌីងសបានសាងសង់កាលពីឆ្នាំ១៩៦៣ក្នុងសមយ័សង្គមរាស្ត្រនិយមដែលបានបង្ហាញពីការរីកចំរើនស្ថាបត្យកម្មសម្រស់ហើយជាកន្លែងមន្ត្រីជាន់ខ្ពស់ស្នាក់នៅ។ឆ្នាំ១៩៧៩ក៏ជាកន្លែងស្នាក់នៅរបស់មន្ត្រីរាជការផងដែរ។អគារនេះលែងបានឃើញនឹងបាត់ពីgooglemapក្រោយថ្ងៃ១៧កក្កដាដែលជំនាន់នេះនិងជំនាន់ក្រោយលែងបានឃើញទៀតហើយនិងត្រូវបានជំនួសដោយសំណង់ថ្មី»។
គួររំលឹកថា ក្រុមហ៊ុនជប៉ុនArakawaវិនិយោគទឹកប្រាក់ប្រមាណ៨០លានដុល្លារក្នុងនោះចំណាយ២៣លានដុល្លារដើម្បីទិញអគារប៊ូឌីញដ៏ចាស់នេះ។ ចំណែកនៅសល់គឺសម្រាប់គម្រោងសាងសង់អគារថ្មីដែលមានកម្ពស់២១ជាន់ក្នុងនោះមានទីតាំងចំណត៣ជាន់កន្លែងលក់ដូរ១ជាន់និងកន្លែងស្នាក់នៅ៥ជាន់។ បន្ទប់ស្នាក់នៅនីមួយៗនឹងមានទំហំធំជាងមុន១០ភាគរយហើយចាប់ពីជាន់ទី៩ឡើងទៅនឹងផ្ដល់ជាកម្មសិទ្ធិវិនិយោគរបស់ក្រុមហ៊ុនArakawa។ ក្រៅពីសារនេះ លោក ជា សុផារ៉ាក៏បានប្តេជ្ញាមិនឲ្យមានឈ្មួញរំលោភដីអាចធ្វើបានទៀតនោះឡើយក្នុងសម័យលោកជារដ្ឋមន្ត្រី។
សូមបញ្ជាក់ដែរថា ៖ ថ្មីៗនេះទៀត មានព័តិមានថា លោក ជា សុផារ៉ា ក៏ជាអ្នកនៅពីក្រោយបទបញ្ជារបស់តេជោសែននាយករដ្ឋមន្ត្រីក្នុងការវាយគំទេចសំណង់របស់ឧកញ៉គិតម៉េងនៅឆ្នេរអូឈើទាលផងដែរ? ៕