ក្រចេះ ៖ សមត្ថកិច្ចនគរបាលស្រុកសំបូរបានចាប់ខ្លួនជនដៃដល់ម្នាក់ ដែលប្រើអំពើហឹង្សាដោយចេតនាដោយយកកំណាត់ឫស្សីវាយទៅលើជនរងគ្រោះបណ្តាលឲដួលសន្លប់នៅមុខផ្ទះជនរងគ្រោះហើយភ្លាមៗនោះដែរត្រូវអ្នកភូមិជួយដឹកយកទៅមន្ទីរពេទ្យសង្គ្រោះ។រឿងរ៉ាវដែលកើតឡើងមួយនេះស្ថិតក្នុងភូមិអូរព្រះឃុំអូរគ្រៀង ស្រុកសំបូរខេត្តក្រចេះ កាលពីវេលាម៉ោងជាង៦ល្ងាចថ្ងៃទី០៨ខែកុម្ភៈឆ្នាំ២០១៨នេះ ។
មន្ត្រីនគរបាលស្រុកសំបូរបានឲ្យដឹងថាជនសង្ស័យឈ្មោះ សាំង ខ្វាន់ ភេទប្រុសអាយុ២៣ឆ្នាំរស់នៅចំណុចអូរកណ្តៀរភូមិអូរព្រះឃុំអូរគ្រៀងស្រុកសំបូរខេត្តក្រចេះ។ចំណែកស្ត្រី រងគ្រោះឈ្មោះ ងួន ប៉ិច រស់នៅក្នុងភូមិឃុំកើតហេតុខាងលើ។
មន្ត្រីនគរបាលដដែលបានឲ្យដឹងទៀតថា ការឈានដល់ប្រើអំពើហឹង្សាដោយចេតនាដោយយកកំណាត់ឫស្សីវាយជនរងគ្រោះឲដួលសន្លប់នៅមុខផ្ទះ បែបនេះគឺមូលហេតុមកពីជនរងគ្រោះជេរប្រមាថមកលើខ្លួ នក៏កើតឡើងរឿងបែបនេះតែម្តង ។ ហើយបច្ចុប្បន្ននេះ កម្លាំងនគរបាលជំនាញបានឃាត់ខ្លួនជនសង្ស័យនៅប៉ុស្តិ៍នគរបាលរដ្ឋបាលអូរគ្រៀងដើម្បីចាត់ការតាមនីតិវិធី ៕ ដោយ៖កិះខន
