ក្រចេះ ៖ហេតុការណ៍ភ្ញាក់ផ្អើលមួយបានកើតឡើង ដោយអគ្គីភយ័ឆាបឆេះរងដាក់ឈើរបស់ ពលរដ្ឋ១ខ្នងខូចខាតទាំងស្រុង ដោយសារភ្លើងឆេះព្រៃ ស្ថិតនៅភូមិឃ្សឹមក្រៅ ឃុំឃ្សឹមស្រុកស្នួលខេត្តក្រចេះកាលពីថ្ងៃទី០៧ខែកុម្ភៈឆ្នាំ២០១៨នេះ ។
មន្ត្រីនគរបាលស្រុកស្នួលបានបញ្ជាក់ ឲ្យដឹងថាហេតុការណ៍នេះបានកើតឡើងអស់រយះពេលជាច្រើនម៉ោង ទើបរលត់អណ្ដាត់ភ្លើងតែមិនទាន់រលត់ទាំងស្រុងនោះទេ ហើយខណៈពេលនេះ មន្ត្រីជំនាញក៏កំពុងបាញ់ទឹកពន្លត់ដោយប្រើទឹកអស់ជាច្រើនឡាន ហើយទើបរលត់ទាំងស្រុងទៅវិញ។
មន្ត្រីរូបនោះបានបន្តទៀតថា រងដាក់ឈើរបស់ពលរដ្ឋដែលលរងគ្រោះអគ្គីភយ័នោះមានចំនួនរោង១ខ្នងខូចខាតទាំងស្រុងមានទំហំសរុប៥ម៉ែត្រ×១២ម៉ែត្រធ្វើពីឈើប្រកស័ង្កសីជញ្ជាំងក្តាផ្ទាល់ដីនឹងធុងបាញ់ថ្នាំចំនួន៣ ម៉ាស៊ីនទូក៨សេះចំនួនមួយគ្រឿង ឈើសំរាប់ធ្វើផ្ទះចំនួនជាង៥ម៉ែត្រគីប ទុយយូទឹកមួយចំនួននឹង ផ្ទាំងសិលាប្រើថាមពលព្រះអាទិត្យមួយគ្រឿង គឺបណ្ដាលមកពីភ្លើងឆេះព្រៃ។ហើយម្ចាស់រោងដាក់ឈើរងគ្រោះឈ្មោះលី ចាន់ថា ភេទប្រុសអាយុ ៤២ឆ្នាំរស់នៅក្នុងភូមិឃុំឃ្សឹមក្រៅ ឃុំឃ្សឹម ស្រុកស្នួលខេត្តក្រចេះ។
មន្ត្រីនគរបាលស្រុកស្នួលដដែល បានបញ្ជាក់បន្ថែមទៀតថាក្នុងហេតុការណ៍អគ្គីភ័យឆាបឆេះនេះគឺមានការបញ្ជាពីលោក ចាន់ សុគីមអធិការនគរបាលស្រុកស្នួល ហើយខណៈនោះក៏មានវត្តមានលោក អធិការរងនគរបាលស្រុកស្នួលបានចុះទៅដល់កន្លែងកើតហេតុដើម្បីត្រួតពិនិត្យនឹងបញ្ជាកម្លាំងជួយក្នុងការពន្កត់នឹងរារាំងមិនឲភ្លើងឆេះរាលដាលទៅដល់លំនៅដ្ឋានរបស់ពលរដ្ឋផ្សេងទៀតហើយលោកក៏សូមអំពាវនាវដល់បងប្អូនប្រជាពលរដ្ឋរស់នៅតាមមូលដ្ឋាននីមួយៗត្រូវប្រុងប្រយ័ត្នភ្លើងផ្សែង(ដូចជាធូបទៀនជាដើម) ជាពិសេសខ្សែចរន្តអគ្គិសនីមុនពេលចាកចេញពីផ្ទះសម្បែង ពីព្រោះរដូវនេះជារដូវប្រាំងនឹងរដូវធ្លាក់ខ្យល់ផងហើយមានអាកាសធាតុក្តៅខ្លាំងផងជាពិសេសភ្លើងឆេះព្រៃតែម្ដង ៕
ដោយ ៖ កិះខន