ពោធិ៍សាត់៖ នៅចំណុច ទួលគ្រោះភូមិ ស្ទឹងថ្មី ឃុំប្រម៉ោយ ស្រុកវាលវែង ខេត្ត ពោធិ៍សាត់ មានរថយន្តយីឌុបរបស់ថៅកែអុសឈ្មោះ ធារ៉ាបានចូលដឹកអុសទាំងកណ្ដាលថ្ងៃត្រង់ដោយគ្មានញញើតសមត្ថកិច្ចណាឡើយកាលពីរសៀល ថ្ងៃទី២៨ ខែ មករា ឆ្នាំ ២០១៨កន្លងមកសង្ស័យជាឆ្នាំងបាយរបស់សមត្ថកិច្ចអាណាចក្រខេត្តហ្ម៉ង។
គួររំលឹកដែរថាកន្លងមកសកម្មភាពកាប់បំផ្លាញនិងដឹកជញ្ជូនផលអនុផលព្រៃឈើ ដោយរថយន្តរបស់មេឈ្មួញឈ្មោះធារ៉ានេះធ្លាប់ត្រូវបានកម្លាំងកងរាជអាវុធហត្ថខេត្តកំពង់ឆ្នាំងឃាត់ចាប់បានបញ្ជូនទៅអោយជំនាញរដ្ឋបាលព្រៃឈើម្តងដែរ ប៉ុន្តែមិនបានមួយដង្ហើមចង្រិតទេ ត្រូវបានលោកធារ៉ារត់ការដោះលែងវិញយ៉ាងរលូនដោយគាត់អាងអ្នកមានអំណាចនៅអង្គភាពកងពលតូចលេខ៧០។
ប៉ុន្តែបើតាមប្រភពច្បាស់ការបានទម្លាយអោយដឹងថារថយន្តដឹកអុសរបស់មេឈ្មួញខាងលើមិនត្រឹមតែដឹកអុសចូលកងពលតូចលេខ៧០ប៉ុណ្ណោះ ទេថែមទាំងដឹកចែកចាយតាមរោងចក្រកាត់ដេរក្នុងរាជធានីភ្នំពេញស្ទើរគ្រប់រោងចក្រទាំអស់ ដែលក្នុងខែៗមិនតិចជាង១០០ឡាននោះទេ។
ថ្មីៗកន្លងមកនេះសម្ដេចតេជោហ៊ុន សែននាយករដ្ឋមន្ត្រីបានចេញបញ្ជាអោយសមត្ថកិច្ចជំនាញ និងសមត្ថកិច្ចពាក់ព័ន្ធដែលមានក្រសួងសាធារណៈការឬនគបាលចរាចរណ៍នឹងជំនាញពាក់ព័ន្ធ ទាំងអស់ត្រូវចាត់វិធានអោយបានតឹងបំផុត នឹងចាប់អោយបានយកមកផ្ដន្ទាទោសទៅតាមច្បាប់ បើទោះជាជននោះជាអង្គរក្ស័ឬជាជនណាក៏ដោយមានថានៈជាផ្កាយ ជាលោកខែក៏ដោយ ។
ប៉ុន្តែមេឈ្មួញខាងលើនៅតែរឹងមានះផ្គើន មិនខ្លាចបទបញ្ជារបស់សម្ដេចតេហ៊ុន សែនឡើយ។មិនដឹងមូលហេតុអី?តែគេថា បើខ្មោចក្នុងមិនបើកដៃខ្មោចក្រៅមិនអាចហ៊ានធ្វើអីកើតឡើយ៕
