ក្រចេះ ៖ ហេតុការណ៍គ្រោះថ្នាក់ចរាចរណ៍បានកើតឡើងមកពីរថយន្ដសាំងយ៉ុងដឹកឈើល្មើសច្បាប់បើកបុកម៉ូតូបណ្ដាលឲ្យមនុស្សស្លាប់ម្នាក់នៅនឹងកន្លែង និងរងរបួសធ្ងន់២នាក់ នៅលើផ្លូវជាតិលេខ៧(ក្រចេះ ស្ទឹងត្រែង) ត្រង់ចំនុចភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះកាលពីល្ងាចថ្ងៃទី២៨ខែមករាឆ្នាំ២០១៨នេះ។
លោក ណយ ស៊ីថាច អធិការរងផ្នែកចរាចរណ៏ស្រុកសំបូរ បានឲ្យដឹងថា ហេតុនេះបណ្ដាលមកពីរថយន្ដសាំងយ៉ុងដឹកឈើពណ៍ទឹកប្រាក់បើកបុក ម៉ូតូពីក្រោយបណ្តាលឲស្លាប់ម្នាក់នឹងរបួសធ្ងន់២នាក់ ហើយអ្នកបើកបររថយន្ដបង្កឈ្មោះ វី វន្ដ័ភេទ ប្រុស អាយុ អាយុ៣០ឆ្នាំរស់នៅ ភូមិក្រវ៉ាន់ ឃុំក្រញូង ស្រុកកំចាយមា ខេត្តព្រៃវែង ធ្វើដំណើរ ក្នុងទិសដៅពីជើងទៅត្បូង ដល់ចំនុចកើតហេតុ បែកកង់ខាងស្ដាំហើយរ៉េចង្កូតទៅបុកម៉ូតូរបស់ស្ត្រីម្នាក់ឈ្មោះ ទ្រី វណ្ណា និងអ្នករួមដំណើរ ជាចំនួន២នាក់ទៀត ទី១៖មានឈ្មោះ ផាត ផេង ភេទ បរុស អាយុ ៦ ឆ្នាំ ស្លាប់និងកន្លែងកើតហេតុទី២៖ឈ្មោះ ផាត សេងអាយុ៣ឆ្នាំរងរបួសធ្ងន់ អ្នកបើកបរម៉ូតូ រងរបួសធ្ងន់។
លោកបន្ដទៀតថា សាកសពជនរងគ្រោះប្រគល់ជូនក្រុមគ្រួសារ ធ្វើបុណ្យតាមប្រពៃណីចំណែកអ្នកបើកបររថយន្ដ ត្រូវឃាត់ខ្លួនបណ្ដោះអាសន្ដនៅ អធិការដ្ឋាននគរបាលស្រុកសំបូរ ដើម្បីសួរនាំ និងកសាងសំណុំរឿងបញ្ជូនទៅតុលាការ តាមនិតិវិធីច្បាប់ហើយវត្ថុតាងរក្សាទុកនៅ ប៉ុស្ដិ៍នគរបាលរដ្ឋបាលក្បាលដំរីបបណ្ដោះអាសន្ន ៕
ដោយ ៖ កិះ ខន