ខេត្តតាកែវ ៖ ស្ត្រីស្រស់សោភាវ័យ៣៦ឆ្នាំមួយរូបឈ្មោចេវសុឌ្ឍនាជាមន្ត្រីបំរើការនៅរដ្ឋសភានិងជាសកម្មជននៃយុវជនក.១៥៧ ដែលមានភារកិច្ចធ្វើចលនាយុវជនក្រៅប្រទេស បានសម្រេចចិត្តចងកបញ្ចប់ជីវិត នៅក្នុងផ្ទះជួលធ្វើអាជីវកម្មរបស់ខ្លួនក្នុងភូមិផ្សារតាកោរ សង្កាត់រការក្នុង ក្រុងដូនកែវ ខេត្តតាកែវកាលពីល្ងាចថ្ងៃទី២៦មករាបន្សល់ទុកឲ្យកូនៗ៣នាក់ឲ្យនៅកំព្រា។មិនទាន់មានការអះអាងឲ្យច្បាស់លាស់អំពីមូលហេតុនោះទេ តែសមត្ថកិច្ចសង្ស័យមានវិបត្តិស្នេហា។
សពអ្នកស្រី ចេវ សុវឌ្ឍនា ត្រូវបានអ្នកបម្រើក្នុងផ្ទះប្រទះឃើញចងកអត្តឃាតខ្លួនឯង ដោយយកខ្សែវាំងនន ចងកទៅនឹងចម្រឹងបង្អួច ក្នុងបន្ទប់ដេក។ លោក ឆាយ សាវុធ អធិការនគរបាលក្រុងដូនកែវ បានបឲ្យដឹងថា អ្នកស្រី ចេវ សុវឌ្ឍនា ពិតជាបានចងកធ្វើអត្តឃាតមិនមែនជាករណីអ្វីផ្សេងនោះឡើយ។ លោកអធិការក៏មិនបានដឹងពីមូលហេតុនៃការធ្វើអត្តឃាតនេះដែរ ប៉ុន្តែក្នុងបន្ទប់ធ្វើអត្តឃាតសមត្ថកិច្ចបានរកឃើញសំបុត្រមួយច្បាប់រៀបរាប់ពីវិបត្តិស្នេហ៍ ដែលនាំឲ្យសមត្ថកិច្ចសន្និដ្ឋានថា ការធ្វើអត្តឃាតនេះបណ្តាលមកពីវិបត្តិស្នេហា ឬ ស្នេហាត្រីកោណជាដើម។
គេមិនដែលឃើញអ្នកស្រីទៅណាមកណាជាមួយស្វាមីនោះដែរ ជាហេតុនាំឲ្យមានមានការសន្និដ្ឋានថា អ្នកស្រី សុវឌ្ឍនា ជាស្ត្រីមេម៉ាយ។
មិត្តភក្តិស្និទ្ធស្នាលរបស់អ្នកស្រី ចេវ សុវឌ្ឍនា នៅតាមបណ្តាញសង្គមហ្វេសប៊ុក បានសម្តែងការសោកស្តាយ និងអាណិតអាសូរជាខ្លាំង ព្រោះអ្នកស្រីជាមនុស្សមានទឹកចិត្តល្អ និងតែងជួយរាល់ទុក្ខធុរៈមនុស្សជុំវិញខ្លួន ហើយពួកគេក៏មិននឹកស្មានថាអ្នកស្រីគិតខ្លីធ្វើអត្តឃាតបែបនេះផងដែរ។
នារីរងគ្រោះឈ្មោះ ចេវ សុវឌ្ឍនា អាយុ៣៦ឆ្នាំ រស់នៅភូមិព្រៃជ័យ រាជធានីភ្នំពេញ មុខរបបរសព្វថ្ងៃ ជាក្រុមយុវជន ១៥៧។ គេមិនដឹងថាតើប្តីនាងជាអ្នកណានៅឡើយទេ ៕