ភ្នំពេញ ៖ អភិបាលរាជធានីភ្នំពេញលោក ឃួង ស្រេង បានជួយឧត្ថម្ភថវិការចំនួន ៥ ពាន់ដុល្លារ ។ សាលាខណ្ឌពោធិ៍សែនជ័យ ចូលបុណ្យជិត១ម៉ឺនដុល្លារ អាមេរិក និងលោកលោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ ចំនួន២លានរៀលចំពោះគ្រួសារសពប្រជាពលរដ្ឋដែលរងគ្រោះថ្នាក់ដល់ជីវិតកាលពីថ្ងៃទី២១មករាឆ្នាំ២០១៨។
លោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញក៏បានឲ្យកាសែតដឹងដែរថា៖បាន ចាត់វិធានការលើមន្ត្រីនគរបាលខណ្ឌពោធសែនជ័យិ៍ចំនួន២រូប ជុំវិញករណីបង្ករឲ្យប្រជាពលរដ្ឋម្នាក់ ស្លាប់ផងដែរ។
លោកនាយឧត្តមសេនីយ៍ ជួន សុវណ្ណ៖យើងបាននាំខ្លួនមន្ត្រីនគរបាល២រូប ដែលប្រើប្រាស់អាវុធ ក្នុងកិច្ចប្រតិបត្តិកាបង្ក្រាបរល្បែងស៊ីសងបង្ករឲ្យមានប្រជាពលរដ្ឋស្លាប់ ឡើងមកកាន់ស្នងការដ្ឋាន នគរបាលរាជធានីភ្នំពេញហើយ ព្រមទាំងដកហូតអាវុធ ចំនួន២ដើម ដើម្បីធ្វើកោសល្យវិច្ច័យ ទៅលើសំបកគ្រាប់ ដែលយកពីកន្លែងបង្ក្រាប និងក្បាលគ្រាប់ដែលវះយកចេញពីសាកសព ដើម្បីធ្វើកោសល្យវិច្ច័យ ថាតើអាវុធមួយណា ដែលជាហេតុបង្ករឲ្យប្រជាពលរដ្ឋ រងគ្រោះស្លាប់”។
ជនរងគ្រោះដោយសារត្រូវគ្រាប់ពេលចេញមកមើលគេបង្ក្រាបបទល្មើសជល់មាន់នៅព្រឹកថ្ងៃទី២១ ខែមករា ឆ្នាំ២០១៨ ស្ថិតនៅចំណុចដីឡូតិ៍ ខាងក្រោយផ្សារកាណាស៊ីធី ក្នុងភូមិចោមចៅ សង្កាត់ចោមចៅទី២ ខណ្ឌពោធិ៍សែនជ័យ មានឈ្មោះ សៀក រ៉ន អាយុ៣៣ឆ្នាំ មុខរបររោងចក្រ ស្នាក់នៅក្បែរផ្សារកាណាស៊ីធី មានស្រុកកំណើតនៅ ខេត្តកំពង់ស្ពឺ មានប្រពន្ធឈ្មោះ ណុប ផានី អាយុ២៧ឆ្នាំ មុខរបរកម្មការីនីរោងចក្រ មានស្រុកកំណើតភូមិសែនអោក ឃុំគុស ស្រុកត្រាំកក់ ខេត្តតាកែវ ។
លោកយឹមសារ៉ាន់អធិការនគរបាលខណ្ឌពោធិសែនជ័យបានប្រាប់កាសែតថាលោកបានដាក់បទបញ្ជារមិនឲ្យមានការផ្ទុះអាវុធពេលចុះប្រតីបត្តិការណ៍ទេ?។បើចឹងមែនមន្ត្រីនគរបាលនោះត្រូវមានទោសហើយ!។គួរបញ្ជាក់ថា ជនរងគ្រោះ ឈ្មោះ សៀក រ៉ន ភេទប្រុស អាយុ៣៣ឆ្នាំ មុខរបរ កម្មកររោងចក្រ ស្រុកកំណើត ខេត្ត កំពង់ស្ពឺ បច្ចុប្បន្ន ។
ប្រពន្ធជនរងគ្រោះឈ្មោះ ណុប ផានីមានកូនពីរនាក់ដែលសុំឲ្យផ្តល់យុត្តិធមិជូនប្តីគាត់ បានអោយដឹងថា៖ ជនរងគ្រោះ បានមកពីហូបកាហ្វេ ហើយបានឡើងទៅបន្ទប់ជួលរបស់គាត់ក្នុង( ភូមិចោមចៅសង្កាត់ ចោមចៅ២ខណ្ឌពោធិ៍សែនជ័យ) ហើយបានអើតមើលគេជល់មាន់ ពេលនោះស្របពេល ដែលនគរបាលចុះ បង្រាបអ្នកជល់ ក៏បានបាញ់ឡើង ទៅលើជាច្រើនគ្រាប់ ក៏បណ្ដាលអោយត្រូវជនរងគ្រោះ ចំបំពង់មួយកន្លែង និងកដៃស្ដាំមួយកន្លែង ហើយប្រពន្ធជនរងគ្រោះ បានហៅរថយន្ដពេទ្យ សម្ពពអង្គរ ដឹកជនរងគ្រោះ បានប្រហែល ជាប្រាំនាទី ជនរងគ្រោះក៏បានដាច់ខ្សល់ស្លាប់ នៅក្នុងរថយន្តតែម្ដង៕
