ខេត្តកណ្តាល ៖ ប្រភពព័ត៌មាន ពីមន្ត្រីតុលាការបានឲ្យដឹងថា សំណុំរឿងមាន់ជល់ដ៏ធំ នៅឃុំអរិយក្សត្រដែលមានម្ចាស់ ទីតាំងឈ្មោះ ថៃ ផានី ហៅម៉ាប់អូស្ត្រាលី ត្រូវបានចៅក្រមបញ្ចប់ការស៊ើបសួរ ហើយត្រូវបញ្ជូនទៅជំនុំជម្រះ ។
សូមជម្រាបថា ជនត្រូវចោទ ថៃ ផានី ហៅម៉ាប់អូស្ត្រាលី ត្រូវបានឃុំខ្លួនក្នុងពន្ធនាគារ កាលពីថ្ងៃទី០៥ ខែធ្នូ ឆ្នាំ២០១៧ ក្រោមការចោទប្រកាន់ពីបទ”ភ្នាក់ងារ ល្បែង ស៊ីសង ខុសច្បាប់ ខណដែលបទល្មើសនេះកំណត់ការផ្តន្ទាទោសដាក់ពន្ធនាគារពី១ឆ្នាំទៅ៥ឆ្នាំនិងពិនិយជាប្រាក់ពី៥លានរៀលទៅ២០លានរៀល ។
យ៉ាងណាក៏ដោយ សំណុំរឿងដ៏ល្បីមួយនេះ ត្រូវបានតុលាការសម្រេចប្រហារជីវិតសត្វមាន់ជិត១០០ក្បាល កាលពីពេលថ្មីៗនេះ ដែលការសម្រេចនោះបានធ្វើឲ្យកក្រើកពេញប្រព័ន្ធហ្វេសប៊ុកផងដែរ ៕
