រាជធានីភ្នំពេញ ៖ ថ្លែងនៅក្នុងពិធីជួបសំណេះសំណាលជាមួយកម្មករ កម្មការិនី ជាង មួយម៉ឺននាក់ នៅតំបន់ទួលពង្រ ខ័ណ្ឌពោធិ៍សែនជ័យ កាលពីព្រឹកថ្ងៃទី២០ ខែធ្នូ ឆ្នាំ២០១៧នេះ សម្តេច ហ៊ុន សែន នាយករដ្ឋមន្ត្រីកម្ពុជា បានបញ្ជាក់ជាថ្មីថា គណបក្សសង្គ្រោះជាតិ បានស្លាប់ បាត់ទៅហើយ ហើយមិនអាចរស់ឡើងវិញទេ សូមកាប់ថ្មចំណាំទុកទៅ ។
សម្តេច ហ៊ុន សែន បានថ្លែងថា បន្ទាប់ពីសម្តេចណែនាំឲ្យអ្នកមួយចំនួននៅក្នុងគណបក្ស សង្គ្រោះជាតិ ដែលក្រៅពីមន្ត្រី១១៨រូប ដែលត្រូវហាមឃាត់ធ្វើនយោបាយ៥ឆ្នាំនោះ ឲ្យបង្កើត គណបក្សថ្មីទៀត ដើម្បីចូលរួមការបោះឆ្នោតនៅឆ្នាំ២០១៨ ខាងមុខ ។ ប៉ុន្តែត្រូវបានគេចំអកឲ្យ ថា ពួកគេមិនបង្កើតគណបក្សថ្មីទេ គេនឹងព្យាយាមរក្សាទុកគណបក្សសង្គ្រោះជាតិ ដើម្បីចូលរួម ការបោះឆ្នោតខាងមុខ ។
សម្តេច ហ៊ុន សែន បញ្ជាក់ច្បាស់ថា CNRP ដែលងាប់ហើយ មិនអាចរស់ឡើងវិញទេ កុំដេកសង្ឃឹមឲ្យសោះ ព្រោះវាជាបក្សក្បត់ជាតិ ហើយកាប់ថ្មចំណាំទុកទៅ វាមិនអាចរស់ឡើង វិញទេ ។ សម្តេចបន្តថា បើអ្នកឯងមិនបង្កើតគណបក្សថ្មីទេ ក៏ហីទៅ ទៅឈឺក្បាលអី ហ៊ុន សែន ព្រោះការបោះឆ្នោតនៅតែប្រព្រឹត្តិទៅធម្មតា ប្រជាពលរដ្ឋនឹងចូលរួមការបោះឆ្នោតខាងមុខ ។
សម្តេចសង្កត់ធ្ងន់ថា ជនក្បត់ជាតិកុំសង្ឃឹមថា បានវិលចូលស្រុកវិញឲ្យសោះ ហើយកុំចាំ បាច់និយាយកុហកលួងចិត្តខ្លួនឯងនិងអ្នកគាំទ្រឲ្យសោះ ព្រោះអ្នកឯងមិនអាចវិលចូលស្រុកបាននោះឡើយ ហើយបក្សក្បត់ជាតិក៏មិនអាចរស់ឡើងងវិញដែរ ៕