ភ្នំពេញ ៖ ថ្មីៗនេះ មានឃ្លើបវិដេអូមួយបានបង្ហាញពីពិធីឡើងភូមិគ្រឹះយ៉ាងធំស្កឹមស្កៃ របស់មន្ត្រីជាន់ខ្ពស់ក្នុងកងអង្គរក្សនិងខួបអាពាហ៍ពិពាហ៍ភរិយាធ្វើឲ្យមានការចាប់អារម្មណ៍និងភ្ញាក់ផ្អើលព្រោះការ ចំណាយខ្ទង់១០ម៉ឺនដុល្លារ ។
ម្ចាស់គេហដ្ឋានដ៏ធំស្កឹមស្កៃមានឈ្មោះហូ ចំរើនមានថានៈឧត្តមសេនីយទោនៅបញ្ជារការដ្ឋានអង្គរក្ស័ដែលមានអាយុប្រមាណជាង៣០ឆ្នាំស្តើងតែប៉ុណ្ណោះ និងភរិយាឈ្មោះជំទាវ គារ សុខគាង ធ្វើឡើងកាលពីថ្ងៃទី០៦ ខែ១១ កន្លងទៅដែលមានភ្ញៀវលំដាប់វីអាភីដូចជាលោកនាយឧត្តមសេនីយ៍ហ៊ីងប៊ុនហ៊ាងលោកឃួងស្រេងអភិបាលរាជធានីលោកទេសរដ្ឋមន្ត្រីលីធុជនិងមានលោកព្រាមសុវត្ថិកញ្ញាមាសសុខសោភាអ្នកនាងខាត់សុឃីមចូលច្រៀងកំដរនិងមានរបាំថ្វាយព្រះពរ។
នៅខាងមុខផ្ទះមានតាំងសុទ្ធតែស្ដេចរថយន្តថ្លៃៗតម្លៃរាប់សែនដុល្លារច្រើនគ្រឿង ដោយសូម្បីតែការចាត់ចែងទាំងក្នុងនិងក្រៅឆាក ក៏អាចនិយាយបានថាមិនមានពិធីណាមង្គលណាមួយដែលអាចប្រដូចបានដែរ។
យោងតាមវីដេអូដែលបានបង្ហាញនេះ គឺជាភាពអស្ចារ្យដ៏កម្រនៅក្នុងពិធីមង្គលរបស់លោកឧត្តមសេនីយទោ (ផ្កាយ២) ហូ ចំរើន និងលោកស្រី គារ សុខគាង ដែលតាមការឲ្យដឹងថា អ្នកទាំងពីរបានសាងសុភមង្គលជាស្វាមីភរិយាស្របច្បាប់នឹងគ្នា តាំងពីឆ្នាំ២០១៤មកម្ល៉េះ ដោយគិតមកទល់ពេលនេះ អ្នកទាំងពីរមានកូនស្រីចំនួន២នាក់ និងកាន់តែមានសុភមង្គលផង ទើបក្នុងពិធីឡើងវីឡាថ្មី កាលពីខែ១១នោះ មានការរៀបចំឥតខ្ចោះតែម្ដង ដោយតាមការអះអាងថា គឺចំណាយមិនតិចជាង១០ម៉ឺនដុល្លារ។
អ្នកណាថាខ្មែរក្រសេដ្ឋីច្រើនណាស់អាឡូវនេះ!!។មិនដឹងគេរកស៊ីអីក៏មានម្លេះ?
