ក្រចេះ ៖ ទោះបីជាប្រមុខរដ្ឋាភិបាលតេជោ ហ៊ុន សែន ធ្លាប់បានប្រកាសកាលពីឆ្នាំ២០១៦បញ្ឈប់មិនឲ្យមានការនាំចេញឈើប្រណិតទៅស្រុកយួននិងបានបង្កើតក្រុមចំរុះដឹកនាំដោយលោកនាយឧត្តមសេនីយ៍សៅសុខាមេប៉េអឹមទូទាំងប្រទេសឲ្យទប់ស្កាត់ក៏ដោយក៏ជំនួញឈើប្រណិតទោស្រុកយួនមិនបានថយឡើយ ។
ជាក់ស្តែងកាលពីវេលាម៉ោង៤ជិតភ្លឺថ្ងៃទី១៩ធ្នូឆ្នាំ២០១៧ គេឃើញមានរថយន្ដ(យីឌុប)ធុនយក្ស២គ្រឿងដឹកឈើប្រណិតចេញពីឃ្លាំង របស់មេឈ្មួញឈើដុះស្លែម្នាក់មាន ដែលគេហៅថាឧកញ្ញ៉ា ឈ្មោះជ័យចេញទៅប្រទេសប្រទេសវៀតណាមតាមច្រកអន្តរជាតិ(វ៉ាលឺ)បានដោយរលូននិងមានរថយន្ដមួយគ្រឿងម៉ាក នីសាន់ពណ៍ស ពាក់ស្លាកលេខ ខ.ម 2-59 94 បើកបិទបិតគូទរហូតដល់ច្រកអន្តរជាតិ(វ៉ាលឺ)ដោយខាងមេច្រកបានបើករបារ៉ាស់ទុកជាមុន។
ប្រជាពលដ្ឋនៅក្នុងស្រុកស្នួលខេត្តក្រចេះបានប្រាប់ឲ្យដឹងថា ករណីកាប់បំផ្លាញព្រៃឈើនិងដឹកជញ្ជូនយ៉ាងគគ្រឹកគគ្រេងទាំងយប់ទាំងថ្ងៃឆ្លងកាត់ស្រុកស្នួលខេត្តក្រចេះយកទៅប្រទេសវៀតណាមបច្ចុប្បន្ននេះភាកច្រើនក្រុមឈ្មួញបំផុសប្រជាពលរដ្ឋប្រើរណាយន្ដចូលកាត់ឈើនៅឧទ្យានវរះជ័យខេត្តស្ទឹងត្រែងជ្រកក្រោមឡេសឈើបាតអាងសេសាន២ស្របច្បាប់ដោយអាងនោះមិនមានឈើនោះទេ និងមានមេឈ្មួញមួយចំនួនទៀតឲ្យប្រជាពលរដ្ឋចូលកាប់ឈើក្នុងដែនអភិក្សព្រំព្រិចនិងអន្ទ្រង ស្ថិតក្នងស្រុកកោះញែកខេត្តមណ្ឌលគីរី ក្រុមឈ្មួញសម្រុកដឹកយកទៅលក់នៅប្រទេសវៀតណាមបានដោយរលូនដោយមានការសហការនិងបើកភ្លើងខៀវមេច្រកទាំងនោះផងដែរ។
សកម្មភាពដឹកជញ្ជូនឈើប្រណិតចេញតាមច្រកព្រុំដែនអន្តរជាតិវ៉ាលឺជាភស្តុតាងបញ្ជាក់ថាពួកឈ្មួញនិងសមត្តកិច្ចមានការឃុបឃឹតគ្នាពុករលួយជាប្រពន្ធ័ដែលធ្វើឲ្យបទបញ្ជារទប់ស្កាត់បទល្មើសព្រៃឈើរបស់លោកនាយករដ្ឋមន្ត្រីហ៊ុនសែនសាបដូចទឹកទន្លេរ៕