ភ្នំពេញ ៖ ចោរប្លន់ម្នាក់ក្នុងចំណោមគ្នាពីរនាក់ត្រូវបានប្រជាពលរដ្ឋស្ទាក់ចាប់ខ្លួនបានម្នាក់ កាត់ទោសប្រហារជីវិតដោយដុំថ្មទម្ងន់ជាង២០គីឡូ រួមនិងដំបង ដែលទីបជាច្រើនទៀត បណ្តាលឲ្យស្លាប់យ៉ាងរន្ធត់បំផុតក្នុងថ្លុកឈាមនៅម៉ោង៦និង៣០នាទីល្ងាច ថ្ងៃទី១៨ ខែធ្នូ ឆ្នាំ២០១៧បន្ទាប់ពីមានករណីបាញ់ប្លន់យកលុយពីអ្នករាប់លុយ២នាក់ប្តីប្រពន្ធ ចំនួន៣គ្រាប់តែមិនសម្រេចស្ថិតនៅចំណុចម្តុំវត្តពោធិ៍ញាណ ក្នុងភូមិចម្រើនផល៣ សង្កាត់បឹងទំពុន ខណ្ឌមានជ័យ រាជធានីភ្នំពេញ ។
ប្រជាពលរដ្ឋនៅកន្លេងកើតហេតុបានឲ្យដឹងថា ជនសង្ស័យជាំចោរទាំង២ខាងលើ ដែលមិនទាន់បានស្គាល់ពីអត្តសញ្ញាណនៅឡើយ បានជិះម៉ូតូសង់០១៦ ពណ៌ខ្មៅ មកធ្វើសកម្មភាពភ្ជង់ប្លន់យកកាបូបពីជនរងគ្រោះ២នាក់ប្តីប្រពន្ធដែលប្រកបមុខរបរដើររាប់លុយ(ចងការប្រាក់)ពេល កំពុងជិះម៉ូតូអែប្លែក បម្រុងជិះចូលក្នុងផ្ទះ។
តែជនរងគ្រោះមិនប្រគល់ឲ្យទើបកើតមានការប្រតាយប្រតប់គ្នារវាងជនរងគ្រោះរួមនិងជនសង្ស័យ និងបានស្រែកឆោឡោថាចោរៗ រហូតធ្វើឲ្យជនសង្ស័យ ម្នាក់ជាខ្មាន់កាំភ្លើង បានដកអាវុធខ្លីម៉ាកK59 បាញ់ចំនួន៣គ្រាប់ផ្ទួនៗគ្នា បណ្តាលឲ្យស្ត្រីជាប្រពន្ធរងគ្រោះរបួសធ្ងន់ចំកែងជើង១គ្រាប់ និងផ្លាតត្រូវបុរសម្នាក់ទៀតជាប្រជាពលរដ្ឋចំភ្លៅចំនួន១គ្រាប់ បណ្តាលឲ្យរងរបួសធ្ងន់ទាំង២នាក់ ។
ភ្លាមៗនោះ ជនសង្ស័យជាខ្មាន់កាំភ្លើងត្រូវបានប្រជាពលរដ្ឋស្ទាក់ចាប់ខ្លួនបាន ឡោមពទ្ធ័កាត់ទោសប្រហារជីវិតដោយដុំថ្ម និងដំបងដែកទីប រួមនិងឈើជ្រុង គ្រប់ដៃសំពងនិងលើកអុកមុខជនសង្ស័យជាខ្មាន់កាំភ្លើងរូបនោះ បណ្តាលឲ្យស្លាប់ក្នុងថ្លុកឈាមយ៉ាងរន្ធត់បំផុត ទាំងដែលកាំភ្លើងដែលធ្វើសកម្មភាពនោះ ធ្លាក់នៅក្បែរសពជនសង្ស័យ ដែលត្រូវប្រជាពលរដ្ឋវាយបែកខ្ទេចផងដែរ។ ចំណែកបក្ខពួកម្នាក់ទៀត បានប្រញាប់ជិះម៉ូតូរត់គេចខ្លួនបាត់ស្រមោល។
គេសង្កេតឃើញសមត្ថកិច្ចចម្រុះជាច្រើននាក់ រួមនិងកម្លាំងជំនាញបច្ចេកទេសខាងផ្នែកចក្ខុ បានចុះមកធ្វើការពិនិត្យសពជនសង្ស័យដល់កន្លែងកើតហេតុ ដោយបានដកហូតវត្ថុតាង អាវុធខ្លីម៉ាកK59 របស់ជនសង្ស័យដែលធ្វើសកម្មភាពចំនួន១ដើម រួមនិងវត្ថុតាងដែលមានដុំថ្មនិងដំបងប្រឡាក់ឈាមមួយចំនួនផងដែរ ហើយសពជនសង្ស័យខាងលើត្រូវបានសមត្ថកិច្ចបញ្ជូនតាមរថយន្តសាមុយ ដឹកយកទៅតម្កល់ទុកនៅវត្តសន្សំកុសល ដើម្បីបូជានិងធ្វើកោសល្យវិច័យស្រាវជ្រាវរកបក្ខពួកម្នាក់ទៀតដែលកំពុងរត់គេចខ្លួន យកផ្តន្ទាទោសតាមផ្លូវច្បាប់បន្តទៀត៕
