រាជធានីភ្នំពេញ ៖ តាមរយៈទំព័រហ្វេសប៊ុក ចេញផ្សាយនៅថ្ងៃនេះ លោក ខៀវ កាញារីទ្ធ រដ្ឋមន្ដ្រីក្រសួងព័ត៌មានបានប្រកាសលុបឈ្មោះកាសែតដែលហួសសុពលភាពដែលមិនចេញផ្សាយចំនួន៣៣០អង្គភាព។
លោក ខៀវ កាញារីទ្ធ បានសរសេរបញ្ជាក់ថា «ថ្ងៃនេះ លុបកាសែតដែលហួសសុពលភាព ដែលមិនចេញផ្សាយចំនួន៣៣០អង្គភាព។ កាសែតដែលនៅបន្តសកម្មភាពមាន៣៨៨ ទស្សនាវដ្តី២០៧ និងព្រឹត្តបត្រ២៥»។
យ៉ាងណាក៏ដោយ ម្ចាស់ស្ថាប័នសារព័ត៌មានមួយចំនួនបានប្រតិកម្ម ចំពោះការសម្រេចចិត្តរបស់ រដ្ឋមន្ត្រីក្រសួងព័ត៌មាន ខណដែលអង្គភាពសារព័ត៌មានមួយចំនួនបានបង្វែការបោះពុម្ពផ្សាយទៅជា គេហទំព័រយូរហើយផងដែរ ៕
