ភ្នំពេញ ៖ ករណីនេះបានកើតឡើងកាលពីយប់ថ្ងៃទី២៥ ខែ មីនា ឆ្នាំ២០១៨ វេលាម៉ោង១២ រំលងអាទ្រាត។ ប្រភពពីអ្នកជិតខាងបានឲ្យដឹថា៖បុរជាប្តីមានឈ្មោះ សរ ចន្នីរិទ្ធ អាយុ៣២ឆ្នាំ ជនជាតិខ្មែរ មុខរបរជាបុគ្គលឹកក្រុមហ៊ុន លក់ប្រេងម៉ាស៊ីនម៉ូលី មានទីលំនៅ ផ្ទះ៦៣ដេ ផ្លូវ៥៣បេតេ ភូមិក្បាលទំនប់ សង្កាត់បឹងទំពុន ខណ្ឌមានជយ័ ភ្មំពេញ ។ ប្រពន្ធមានឈ្មោះឆេង សុខរ៉ា ជនជាតិខ្មែរ អាយុ៣២ ជាបុគ្គធនាគា មានទីលំនៅផ្ទះកើតហេតុខាងលើ។ បុរសជាប្តីត្រូវបានគេរាយការណ៍ថា៖ ក្រៅពីម៉ោងធ្វើការបានដើរផឹកស៊ី និងមានស្រីញី ស្ទើររ៉ាល់យប់ ប៉ុន្តែប្រពន្ធមិនដែលសួរនាំរករឿងម្តងណាឡើយ ។
លុះមកដល់ថ្ងៃទី២៥ ខែមីនាឆ្នាំ២០១៨ ដោយឃើញសភាពប្តីស្រវឹងនិងរអ៊ូរទាំខ្លាំងពេក ក៏បានសួទៅប្តីថា តើបងមានរឿអីជាមួយអ្នកណា? គ្រាន់តែ ប៉ុនណឹង លោកប្តីបានជេរប្រពន្ធថា មីចុយម្រាយកុំចេះដឹងរឿងអញ ប្រយត្ន័អញយកកំបិតអារកចោល ។
ប្រពន្ធក៏បានតបវិញថា គ្រាន់ខ្ញុំសួរប៉ុនណឹងម៉េចចាំបាច់ជេរដល់ម្តាយ? ម៉ែខ្ញុំមិននៅជាមួយអ្នកឯងឯណា។ ក្រែងសព្វថ្ងៃណឹងខ្ញុំរស់នៅជាមួយម៉ែអ្នកឯងតើ? គ្រាន់តែលឺប៉ុណឹង ក៏ស្រែកថាយើ មីង៉ែងហានជេរម្តាយយើងផង រួចក៏ស្ទុះទៅវាយប្រពន្ធ បីបួនដៃ និងចាប់បោចសក់ខ្ទប់ជញ្ជាំង ទាត់និងលោតធាក់នាង រហូតបែកឈាមពេញភ្នែក និងស្រែកផ្អើលអ្នកជិតខាង ទើបឈប់។
គួរបញ្ជាក់ថា មុនពេលបុរសជាប្តីវាយប្រពន្ធ ក្រុមគ្រួសារខាងប្តីបានឃើញ និងឈរមើលគ្រប់គ្នា ប៉ុន្តែមិនជួយឃាត់ តែបែជាពន្យុះអោយវាយថែមទៀត(ម្តាយក្មេក)។ ក្រោយពេលកើតហេតុបានប្រហែល១ម៉ោងនាងបានអោយអ្នកជិតខាង ជូនទៅដាក់ពាក្យប្តឹងនៅប៉ុស្តិ(សង្កាត់បឹងទំពន់) ប៉ុន្តែលោកប៉ូលិសបានត្រឹមតែទួលពាក្យបណ្តឹង និងថតរបួសស្លាកស្នាមជនរងគ្រោះ ទុកចោល ធើដូចអត់មានរឿងអីចឹង។
ដោយគ្មានដំណោះស្រាយ និងគ្មានការអន្តរាគមន៏ពីលោកប៉ូលីសប៉ុស្តិ រំលងបាន១ថ្ងៃនាងជាភរិយាបានធ្វើដំណឹរទៅរកម្តាយនៅខេត្តកំពង់ចាម ហើយក៏សំរេចដាក់ពាក្យបណ្តឹងទៅតុលាការ។ប៉ុន្តែរហូតមកដល់ពេលនេះ នៅពុំឃើញមានដំណឹងនៅឡើយ។ គួរអាណិតនាងណស់ ជាង១សប្តាហ៏ ហើយភ្នែកនាងនៅតែហូរឈាមមិនឈប់ ហើយមិនបានទៅធ្វើការទៀត។មិនអាចទាក់ទងសុំការពន្យល់ពីភាគីខាងប្តីបាននៅឡើយទេ។សង្ឃឹមថានឹងមានការប្រកស្រាយក្រោយពតិមាននេះចេញផ្សាយ!៕