ខេត្តប៉ៃលិន ៖ ឡានដឹកកម្មករបេះផ្លែមៀនប៉ៃលិនមួយគ្រឿង បានរេចង្កូតក្រឡាប់ធ្លាក់ប្រឡាយបណ្តាលឲ្យមនុស្សប្រុសស្រីក្មេងចាស់យ៉ាងតិច៤០នាក់ រងរបួសធ្ងន់ស្រាល ហើយត្រូវបានដឹកមកសង្គ្រោះនៅមន្ទីរពេទ្យបង្អែកខេត្តប៉ៃលិន។ ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង៧ព្រឹកថ្ងៃទី៣០ ខែមីនា ឆ្នាំ២០១៨ ត្រង់ចំណុចព្រំប្រទល់ខេត្តប៉ៃលិន និងខេត្តបាត់ដំបង ស្ថិតក្នុងភូមិតាគ្រក់ ឃុំត្រែង ស្រុករតនមណ្ឌល ខេត្តបាត់ដំបង។
តាមប្រភពព័ត៌មានពីកម្មករបានឲ្យដឹងថា ពួកគេបានជិះរថយន្តមួយគ្រឿង ដឹកកម្មករជាង៤០នាក់ ចេញពីច្រកឡែមស្រុកកំរៀង ខេត្តបាត់ដំបង មកឆ្លងកាត់ខេត្តប៉ៃលិន ដើម្បីទៅបេះផ្លែមៀន នៅភូមិភ្ញាវឃុំត្រែង។ លុះដល់កន្លែងកើតហេតុស្រាប់តែរថយន្ត បានរ៉េចង្កូតធ្លាក់ផ្លូវចូលប្រឡាយប្របថ្នល់ជាតិក្រឡាប់ខ្លួនឯង បណ្ដាលឲ្យកម្មករជិះក្នុងឡានរងរបួសធ្ងន់ស្រាលទាំងអ្នកបើកបរតែម្ដង ៕
