រាជធានីភ្នំពេញ ៖ តាមព័ត៌មានទទួលបានកម្មការិនី មានផ្ទៃពោះម្នាក់ឈ្មោះ ដាំ ណយ បំរើការងារនៅក្នុងរោងចក្រShuang Li Cambodia Garment ស្ថិតក្នុងតំបន់សេដ្ឋកិច្ច ពិសេសសានតុងសាន់សែល បានខ្យល់គរដួលស្លាប់ នៅមុខតំបន់សេដ្ឋកិច្ច ក្រោយចេញពីធ្វើការវិញ ។ នេះបើយោងតាមព័ត៌មានដែលទទួលបានពី Facebook របស់លោក ប៉ាវ ស៊ីណា ប្រធានសម្ពន្ធ័សហជីពចលនាកម្មករ ។
ប្រធានសម្ពន្ធ័សហជ័ពចលនាកម្មករលោកប៉ាវ ស៊ីណា បានសរសេរលើ Facebook ផ្ទាល់ខ្លួននៅថ្ងៃនេះថា បច្ចុប្បន្នសពប្អូនស្រី ត្រូវបានសាច់ញាតិ យកពីមន្ទីពេទ្យបង្អែកជីភូ ទៅកាន់លំនៅដ្ឋានដែលស្ថិតនៅក្នុងឃុំ ត្នោត ស្រុកកំពុងរោទ៍ ខេត្តស្វាយរៀង ដើម្បីធ្វើ បុណ្យតាមប្រពៃណី” ។
ប្រធានសម្ព័ន្ធសហជីព ចលនាកម្មកររូបនេះ បានសំណូមពរឲ្យបេឡាជាតិ របបសន្តិសុខសង្គម (ប.ស.បស) ជួយពន្លឿនផ្តល់ថវិកា ដល់ក្រុមគ្រួសារសព ដើម្បីយកទៅចាត់ចែងកម្ម វិធីបុណ្យ៕