បាត់ដំបង ៖ នៅស្រុកថ្មគោល ខេត្តបាត់ដំបងសត្វថ្លែនក្លាយជាទំនិញត្រូវប៉ាន់ដែលធ្វើឲ្យ ពលរដ្ឋមួយចំនួន បានប្រាក់ចំណូល ពីការដើរចាប់សត្វថ្លែនលក់។លោក ជា.មិត្ត ពលរដ្ឋម្នាក់រស់នៅស្រុកថ្មគោល បានឲ្យដឹងថា៖ បច្ចុប្បន្ននេះក្រុមគ្រួសារលោករកកម្រៃបានដោយសា ដើរទិញសត្វត្លែនយកទៅលក់អោយ ថៃដូចជាកន្ទៀទូក,ចង្រិតធម្មជាតិ,កណ្តូបជាដើមដែលថៃកម្មង់តាមរដូវកាល។
ពួកគាត់មិននឹកស្មានថាជនជាតិថៃ តម្រូវអោយពួកគាត់រកសត្វថ្លែនបន្ថែមទៀតខណៈរដូវសត្វចង្រិតនិងកណ្តូបមិនទាន់មកដល់ដែល ជាឱកាសល្អសម្រាប់ពួកគាត់រកប្រាក់ចំណូលរបស់ពួកគាត់បន្តទៀត។
ពួកគាត់បញ្ជាក់ថា សត្វថ្លែន១គីឡូក្រាមតម្លៃ៨០បាតប្រាក់ថៃស្មើនិងជិត៣ដុល្លារ តែបើសិនពួកគាត់យកទៅដល់ដីថៃបាន១គីឡូ១២០បាតប្រាក់ថៃ។ពួកគាត់បន្តថាការចាប់ផ្តើមមុខរបរសត្វថ្លែននេះពួកគាត់ទើបតែលក់បាន៣លើកតែប៉ុណ្ណោះព្រោះជនជាតិថៃ គេទើបតែត្រូវការនាពេលថ្មីៗនេះដែរហើយក៏ មិនទាន់ដឹងដល់អ្នកស្រុកច្រើននៅឡើយទេ។
ពលករឈ្មោះ ចាន់.ប៉ែត បំរើការនៅប្រទេសថៃជាង២០ឆ្នាំបានអោយដឹងថា បច្ចុប្បន្នសត្វថ្លែនកំពុងពេញនិយមនៅលើទីផ្សារធំៗនៅប្រទេសថៃ ហើយគាត់ក៏ធ្លាប់ចូលហាងកុម្មង់សត្វថ្លែនយកមកក្លែមផងដែរ ដោយសត្វថ្លែន១ក្បាលតម្លៃ២០បាត។គាត់បន្តថាពេលទំនេរគាត់បាននាំគ្នាទៅមើលកន្លែងថៃចិញ្ចឹមសត្វថ្លែនរាប់មឺុនក្បាលដើម្បីមើលរបៀបគេចិញ្ចឹមងាយស្រួលគាត់បានលុយមកភូមិកំណើតវិញគាត់និងចាប់មុខរបរ១នេះដើម្បីជាដៃគូជាមួយថៃ។
ជាមួយគ្នានោះ ជនជាតិថៃបច្ចុប្បន្នចូលចិត្តសត្វថ្លែនណាស់ ជាពិសេសគេយកជាអាហារសម្រាប់ក្លែមដោយស្រា តែវាជួយដល់សុខភាពរបស់មនុស្សបានច្រើនទើបជនជាតិថៃចូលចិត្តជាពិសេសអ្នករាជការថៃ និងអ្នកមានលុយឬថៅកែថៃចូលចិត្តបំផុត។ពលរដ្ឋនៅប្រទេសថៃគេជឿជាក់ថា ការហូបសត្វថ្លែនជួយពង្រីកទងសួតកុំអោយហត់ជួយអោយត្រជាក់សាច់ជួយពង្រឹងកោសិកាក្រលៀនកុំអោយខ្សោយជាដើម។
លោកតា តណអាយុ៧៤ឆ្នាំរស់នៅក្រុងបាត់ដំបងបានបញ្ជាក់ អំពីផលប្រយោជន៍សត្វថ្លែនថា កាលពីដើមបើសិនជាមានក្មេងឬមនុស្សចាស់ណាកើតរោគហត់(កើតហឺត)ក្បួនពេទ្យហៅជម្ងឺត្បៀតទងសួតឬរលាកសួត(Asma)គាត់អោយយកសត្វថ្លែន១ក្បាលដោយបកស្បែកអោយស្អាតហើយបុកគ្រឿងមានខ្ជាយ,រមៀត,ម្តេង,គល់ស្លឹកគ្រៃ,ស្លឹកក្រូចសើចប្រឡាក់សត្វថ្លែនដោយដាក់អំបិល ប៊ីចេងធម្មតា ហើយយកសត្វថ្លែននោះទៅដាក់ហាលទឹកសន្សើម១យប់ទើបយកមកអាំងបរិភោគអោយអស់តែម្នាក់ឯងអោយធ្វើអោយបានពី៣ទៅ៧ថ្លែន ដោយប្រើតែថ្លែន១ក្នុង១ថ្ងៃនោះនិងជាសះស្បើយមិនខាន។
សូមបញ្ជាកដែរថា ៖ មានការនិយាយតៗគ្នាថា សត្វថ្លែនជាសត្វមានពឹសខ្លាំងណាស់ ប្រសិនបើត្រូវសត្វថ្លែនខាំ គឺត្រូវរកទឹកផឹកឲ្យបានមុនវាទើបអាចរស់បានបើមិនដូច្នោះនឹងត្រូវស្លាប់ជាមិនខាន! ៕