ភ្នំពេញ ៖ ថ្មីៗនេះ មានព្រះសង្ឃ២អង្គបានប្រកាសលក់ឡានឡិចស៊ិស យកលុយធ្វើទាន ។ តែទង្វើនេះត្រូវសង្ឃមួយអង្គផ្សេងដែលអត់មានឡានលក់និងគេមានសង្ឃដិកាឌឺថាចាំបាច់អួតរចឹងធ្វើអីម៉េចមិនយកទៅលក់នៅហ្គរ៉ាស់ទៅ?! ។ សូមបញ្ជាក់ថា៖កាលពីថ្ងៃទី២៣ ខែមីនា ឆ្នាំ២០១៨ កន្លងទៅថ្មីៗនេះ គេឃើញក្នុងហ្វេសប៊ុក របស់ ព្រះព្រហ្មវិជ្ជា នី សុវណ្ណមុនីរ៉េត ដែលត្រូវបានគេស្គាល់ថា ជាព្រះសង្ឃដែលគង់នៅវត្តនាគវ័ន កុដិ២៤ បានធ្វើការប្រកាសលក់រថយន្ត Lexus 570 ដែលលោកលោកថា៖ញាតិញោមប្រគេនដើម្បីកសាងកុដិប្រគេន ព្រះសង្ឃគង់នៅ វត្តនាគវ័ននិងធ្វើបុណ្យ ដោយឃើញថា ព្រះអង្គពុំមានបច្ច័យដើម្បីកសាងឡើយ។
បន្ទាប់មកនៅថ្ងៃទី២៤ ខែមីនា ឆ្នាំ២០១៨ ក៏បានឃើញក្នុងហ្វេសប៊ុករបស់ព្រះសង្ឃមួយអង្គមួយទៀតហើយ ព្រះនាម ឃុត ដារ៉ូ (គុណម្ចាស់បុទុម) គង់នៅវត្តឧណ្ណាលោម ក្រុងភ្នំពេញ បានធ្វើការប្រកាសលក់រថយន្ដ Lexus 570 ផងដែរ ដែលលោកថាញាតិញោមបានប្រគេនព្រះអង្គដែរ ដើម្បីយកបច្ច័យមកកសាងស្ពាន សម្រាប់សិស្សានុសិស្ស ឆ្លងកាត់នារដូវវស្សា ព្រោះកន្លែងមួយនេះគឺជាកន្លែងដែលព្រះអង្គធ្លាប់រស់នៅ ក៏ដូចជាការសិក្សាផងដែរ ។ស្ពាននេះស្ថិតនៅក្នុង ភូមិអន្លុងក្រូច ឃុំបួរ ស្រុកភ្នំព្រឹក ខេត្តបាត់ដំបង។
ក្រោយពីមានពតិមាននេះវាក៏លេចចេញព្រះសង្ឃមួយអង្គព្រះនាម Som Sokha បានបង្ហោះសារមួយ ជាមួយសង្ឃដីកាចំៗចំពោះព្រសង្ឃទាំងពីរខាងលើតែម្តង ថា៖”ល្មមៗបានហើយ លោកម្ចាស់អើយ………៚បើមិនអាណិត ព្រះឧបជ្ឈាយ៍ដែលបំបួសទេ ក៏គួរអាណិត សាសនា និងអារម្មណ៍ របស់ពុទ្ធបរិស័ទជាពិសេសអ្នកបួសដូចគ្នាផង ។ សទ្ធាជ្រះថ្លារបស់លោកម្ចាស់គឺប្រពៃហើយ ។ តែបើលោកម្ចាស់មានសទ្ធាជ្រះថ្លា ចង់ជួយកិច្ចការមនុស្សធម៌ដោយស្មោះមែន ចាំបាច់អីទៅផ្សាយលក់សំភារះតាមបណ្តាញសង្គមធ្វើអី? ម្តេចក៏មិនយកទៅ យានដ្ឋាន លក់ដូ រថយន្តតែម្តងទៅ? ឫក៏ខ្លាចគេមិនដឹងពីការលះបង់ដ៏មហិមារ របស់លោកម្ចាស់?
តើមានបានគិតពីផលប៉ះពាល់ដល់សាសនាព្រះជិនស្រីខ្លះទេ ចំពោះឥរិយាបទ ដោយខ្វះការពិចារណា របស់លោកម្ចាស់ដូច្នេះ? សូមអធ្យាស្រ័យផង បើមានការបះពាល់ដល់អារម្មណ៍របស់ព្រះអង្គម្ចាស់៥៧០ នេះជាទស្សនៈឯកជន របស់ខ្ញុំកូណាដែលជា សមាជិកព្រះសង្ឃក្រីក្រតាមជនបទមួយអង្គតែប៉ុណ្ណោះ ។ ស្រុកខ្មែរសេរីចឹង សូម្បីក្នុងមជ្ឍដ្ឋានសង្ឃ ដែលតេជោសែនទើបប្រកាសថ្មីៗឲ្យពុទ្ធបរិស័ទរៀបអសនៈគង់ឲ្យបានខ្ពស់ជាងឧបាសក ពេលមានពីធីអ្វីៗក៏មានអ្នកប្រឆាំងដែរ ៕
