បន្ទាយមានជ័យៈ ៖ ប្រជាពលរដ្ឋជាច្រើនគ្រួសារដែលរស់នៅលើដីក្នុងស្រុកថ្មពួក ស្វាយចេក ភ្នំស្រុក បានសំណូមពរ សូមឲ្យសម្តេច អគ្គមហាសេនាបតី តេជោ ហ៊ុន សែន នាយករដ្ឋមន្ត្រីជួយដល់ពួកគាត់ផងព្រោះពួកកំពុងរងគ្រោះពីទង្វើបំផ្លាញផ្ទះសម្បែងដែលបង្កឡើងដោយកូនចៅ របស់លោកឧត្តម សេនីយ៍ភ្លន់ដារ៉ាមេបញ្ជាការរងយោធភូមិភាគទី៥ និងជាមេបញ្ជាការតំបន់ប្រតិបត្តិការសឹករងខេត្តបន្ទាយមានជ័យ។
សូមបញ្ចាក់ដែរថា កាលពីថ្ងៃទី ២៣ ខែ មីនា ឆ្នាំ២០១៨ លោកឧត្តមសេនីយ៍ត្រី ភ្លន់ តារា បានបញ្ជារកម្លាំងយោធាជាច្រើននាក់ប្រដាប់អាវុធឲ្យចុះ បានចុះរុះរើ ផ្ទះ របស់ប្រជាពលរដ្ឋ ចំនួន៨៣ខ្នង នៅចំណុចដីក្នុងភូមិ៣ស្រុកមានថ្មពួក ស្វាយចេក ភ្នំស្រុក ដែលមានផ្ទៃដីទំហំ២២២២ហិតា។
ប្រជាពលរដ្ឋបានអះអាងថាដីនេះជាដីរបស់ប្រជាពលរដ្ឋដែលបានបានចូលកាន់កាប់ឆ្ការព្រៃ ដើម្បីយកដីដាំចំការ ដាំដំ ឡូង ចិញ្ចឹមជីវិត ក្រៅពីនេះមានអ្នកភូមិខ្លះ បានទិញពីយោធា ហើយខ្លះបានចូលកាន់កាប់អាស្រ័យផល តៗគ្នា តាំងពីឆ្នាំ២០០១ មក ។
ប្រជាពលរដ្ឋខ្លះបានសង់លំនៅដ្ឋាន នៅលើដីចំការ ហើយរស់នៅតាមទម្លាប់ លើដីនោះ មិនមានអ្នកណា ចូលមកហាមឃាត់ឡើយ ។ ទើបតែថ្មីៗនេះ បានបញ្ចាក់ថាដី ចំនុច ការ៉េ២ (២២២២ ហិកតា)នេះ ស្រាប់ឮ ខាងអាជ្ញាធរនិយាយថាៈ ដីដែលប្រជាពលរដ្ឋកំពុងកាន់កាប់អាស្រ័យផល ជាដី របស់យោធា?! ។ តែកាលគាត់រស់នៅមិនដែលឃើញ មានយោធាណាមួយ ចូលមកហាមឃាត់ទេ ។
ទើបតែនៅដើមខែ មីនា ឆ្នាំ ២០១៨ លោកឧត្តមសេនីយ៍ ភ្លន់ តារា បានបញ្ជាឲ្យទាហ៊ានយក គ្រឿង ចក្រចូលទៅឈូសឆាយលើផលដំណាំប្រជាពលរដ្ឋ មានដំឡូងមី ត្រូវខូចខាតរាប់ហិកតា មើម បាន មកនៅលើគោកទាំងអស់ ។បើតាមប្រជាពលរដ្ឋនិយាយថាក្នុងគោលនយោបាយរបស់រាជរដ្ឋាភិបាល បទបញ្ជាលេខ០០១បបនោះ ដីនៅចំណុចការ៉េ២ នេះ មិនទាន់បានវាស់វែងជ្វៀលចេញជូន ប្រជាពលរដ្ឋនៅឡើយទេ ។
តែចំពោះខាងយោធា ត្រូវជ្វៀលដី ប្រជា ពលរដ្ឋ ជាលក្ខណៈគោលនយោបាយស្បែកខ្លា ជូនប្រជាពលរដ្ឋ ។ យោធាមិនអាចបំពានលើប្រជា ពលរដ្ឋ ព្រោះប្រជាពលរដ្ឋជាម្ចាស់វាសនា នៃប្រទេសជាតិ ហើយជាត្រូវការដីធ្លីចិញ្ចឹម ជីវិត ។
