ខេត្តពោធិ៍សាត់ ៖ សេចក្ដីរាយការណ៍ពីខេត្តក្នុពោធិ៍សាត់បានអោយដឹងថា៖ក្នុងរយៈពេលត្រឹមតែជាង៣ទៅ៤ខែឆ្នាំ២០១៨នេះសកម្មភាពកាប់បំផ្លាញព្រៃឈើនៅក្នុងភូមសាស្ត្រទឹកដីស្រុកវាលវែង ខេត្តពោធិ៍សាត់បាននិងកំពុងតែកើតមានជាលក្ខណៈទ្រង់ទ្រាយធំបង្កឡើងដោយបណ្តាញបំផ្លាញរបស់ឧកញ៉ាតាំងអៀងឈ្មួ្ញញឈើដោយប្រើស្លាកក្រុមហ៊ុនក្រុមហ៊ុន MDS របស់លោកឧញ្ញ៉ាទ្រីភាពដែលជាក្រុមហ៊ុនខ្មោចព្រោះអស់សុពលភាពយូហើយ។
ឈើប្រណិតប្រភទេឈើ ធ្នង់ និងដឹកឈើរាជ្យកុលត្រូវបានគេ ដឹកចេញពីចំណុចចំការជ្រៃ របស់អតីតក្រុមហ៊ុនជីងសាមហ៊ុនដែល ក្រោយមកផ្ទេអោយក្រុមហ៊ុន MDSរបស់លោកឧកញ្ញ៉ាទ្រីភាព ស្ថិតក្នុងឃុំអន្លង់រាប ស្រុកវាលវែង ខេត្តពោធិ៍សាត់ឆ្លងកាត់ខេត្តកំពង់ឆ្នាំង ឆ្ពោះមកកាន់រាជធានីភ្នំពេញ។
សេចក្ដីរាយកាណ៍របស់អ្នកសារពិតមាននិងប្រជាពលរដ្ឋបានឲ្យដឹងថា ចំពោះសកម្មភាពកាប់បំផ្លាញឈើនៅស្រុកវាលវែង ក៏ដូចជាប្រមូលយកមកដាក់ក្នុងក្រុមហ៊ុន MDS ហើយលួចបន្លំកាត់ប៉េសេ ដើម្បីដឹកឈើប្រណិតចេញ សុទ្ធតែជាប៉េសេក្លែងក្លាយខុសប្រភេទឈើព្រោះ ក្នុង(PC)ដែលនៅក្នុងច្បាប់(PC)ជាប្រភេទឈើក្រហម ប៉ុន្តែបែជាដឹកឈើប្រណិតទៅវិញ មិនតែប៉ុណ្ណោះថែមទាំងផ្ទុកលើសទម្ងន់ថែមទៀត។
ពួកឈ្មួញដែលជាជនឧក្រឹដ្ឋព្រោះប្រព្រឹត្តបទល្មើសព្រៃឈើវាអាចធ្វើទៅបានគឺដោយសារពុករលួយចាយលុយដែលប្រើតាមច្បាប់វាត្រូវជាប់គុកតែផ្ទុយទោវីវាធ្វើបានដោយរលូនតាំងពីក្រុងព្រៃចូលស្រុកឆ្លងកាត់ខេត្តក្រុង។មូលហេតុគឺដោយសារ មានមន្ត្រីសមត្ថកិច្ចជំនាញ ផ្ទាល់ ដែលមានតួនាទី និងភារកិច្ចជាអ្នកបង្ក្រាបបទល្មើសព្រៃឈើនេះតែម្តង ជាអ្នករត់ការផ្លូវ តាំងពីស្រុកវាលវែង ខេត្តពោធិ៍សាត់ឆ្លងកាត់ខេត្តកំពង់ឆ្នាំងឆ្ពោះមករាជធានីភ្នំពេញ។
បើតាមពតិមានគោលដៅរបស់ពួកគេ ភាគច្រើនឈើប្រណិតត្រូវបានដឹកយកទៅស្តុកទុកនៅឃ្លាំងចំណុចផែស្ងួតនៅត្មាតពងខេត្តកំពង់ស្ពឺ ខ្លះទៀតត្រូវបញ្ជូនទៅកាន់ខេត្តតាកែវឬ ខេត្តកំពត ដើម្បីឆ្លងទៅប្រទេសវៀតណាមបានយ៉ាងរលូន។
ដោយគ្មានសង្ឃឹមចំពោះចៅហ្វាយខេត្តពោធិសាត់ប្រជាពលរដ្ឌដែលសោកស្តាយចំពោះព្រៃឈើបានសុំណូមដល់ឯកឧត្ដម វេង សាខុន រដ្ឌមន្ត្រីក្រសួងកសិកម្មរុក្ខាប្រមាញ់និងនេសាទពិសេសឯកឧត្តមនាយឧត្តមសេនីយ៍សៅ សុខាមេបញ្ជាការរងកងយោធពលខេមរៈភូមិន្ទ មេបញ្ជាការកងរាជអាវុធហត្ថលើផ្ទៃប្រទេសនិងប្រធានគណៈកម្មការបង្ក្រាបនិងទប់ស្កាត់បទល្មើសព្រៃឈើគួរតែចុះត្រួតពិនិត្យមើលសកម្មភាពបទល្មើសកាប់បំផ្លាញព្រៃឈើខាងលើនិងមានវិធានការអោយបានទាន់ពេលវេលាផងបើមិនបានខុបឃឹតជាមួយឈ្មួញពុករលួយ ខាងលើនោះទេ! ៕
